Umi mbaʼe jaikuaaséva

◼ ¿Mbaʼérepa ikatu jadesidi nañambostudiavéi peteĩ persónape? Ha ¿mbaʼépa ñañeporandu vaʼerã upe mboyve?

Peteĩ ostudiáva ñanendive ndoprogresáiramo, jaʼe vaʼerã nañambostudiamoʼãveimaha chupe, péro jaʼe vaʼerã ñamoñeñandu vaiʼỹ hag̃uáicha chupe (Mat. 10:11). Upe mboyve ñañeporandu vaʼerã: ¿Orrespetápa pe óra oñemoĩva ojestudia hag̃ua? ¿Ojepreparápa ostudia hag̃ua? ¿Ohómapa rreunionhápe? ¿Omombeʼúpa ótrope umi mbaʼe oaprendéva? ¿Omoĩpa en práktika umi konsého oĩva la Bíbliape ha okambia ohóvo? Avei jareko vaʼerã enkuénta mboy áñopa oreko pe estudiánte, ha oimépa iñakãporã térãpa hasy chupe ontende hag̃ua pe oleéva, naentéroi voínte oprogresáta peteĩchapa. Péro jadesidíramo jaheja peteĩ estúdio, jaexplika porã vaʼerã pe estudiántepe ikatuha ostudia jey amo gotyove ág̃a oĩ vove preparádo (1 Tim. 2:4).