JAHECHAUKÁKENA JASERVIHA JEHOVÁPE
¿Arakaʼépa ikatu hína rejapo nde prekursorádo auxiliár?
Peteĩ visiónpe Ezequiel ohecha kuri Jehová puévlo oikuaveʼẽtaha Jehovápe sakrifísio ipyʼaite guive. ¿Mbaʼéichapa ñande avei ikatu jaofrese sakrifísio Jehovápe? (Heb 13:15, 16).
Ikatu hína jaofrese sakrifísio Jehovápe jajapóvo ñande prekursorádo auxiliár. Áño de servísio 2018-pe oĩ hína unos kuánto mes orekóva cinco sábado térã cinco domingo. Upéva ou porãta umi ombaʼapóvape un diaite ha fin de semanakuénte ikatúva opredika. Marzo ha abrílpe katu, ha pe superintendénte ovisita jave kongregasión, umi ojaposéva iprekursorádo auxiliár ikatu oiporavo ojapótapa 30 térã 50 óra.
Péro sapyʼánte ñane situasión nomeʼẽi jajapo hag̃ua ñande prekursorádo auxiliár. ¿Mbaʼépa ikatu jajapo upéicharõ? Ndaikatúiramo jepe jajapo ñande auxiliár, lomímonte ikatu ñañehaʼã ñasẽve predikasiónpe ha japredika porãve hag̃ua. Tahaʼe haʼéva ñane situasión, jahayhu rupi Jehovápe ñameʼẽse chupe la iporãvéva ko áño de servísio 2018-pe (Os 14:2).
¿Mbaʼéichapa ikatu resegi Sabina Hernández ehémplo nekyreʼỹve hag̃ua predikasiónpe?
EHECHA PE VIDÉO JEHOVÁ RUPIVE IKATU AJAPO OIMERAẼ MBAʼE, HA UPÉI ERRESPONDE KOʼÃ PREGÚNTA:
¿Mbaʼépa omomýi Sabínape ombaʼapove hag̃ua Jehovápe g̃uarã?
¿Mbaʼéichapa ndéve nemokyreʼỹ Sabina ehémplo?
¿Mbaʼe méspepa ikatu rejapo nde prekursorádo auxiliár áño de servísio 2018-pe?