Ejapókena nde estúdio personál ideprovécho hag̃uáicha ndéve

MBAʼÉREPA IÑIMPORTÁNTE: Jastudiávo Ñandejára Ñeʼẽ ñanepytyvõ ñantende porãve hag̃ua pe añetegua pe “ipekue, ipukukue, ijyvatekue ha ipypukukue” (Ef 3:18). Avei ñanepytyvõ ñanderekopotĩ hag̃ua jaikóramo jepe ko múndo añáme ha ikatu hag̃uáicha jasegi “ñañakarama hatã pe ñeʼẽ oporomoingovévare” (Flp 2:15, 16). Jajapo jave ñande estúdio personál ikatu jaiporavo jastudia hag̃ua pe informasión ñande ñaikotevẽva. ¿Péro mbaʼéichapa ikatu jaaprovecha porã pe tiémpo jaipurúva jalee ha ñahesaʼỹijo hag̃ua la Biblia?

MBAʼÉICHAPA IKATU REJAPO:

• Ikatu emarka térã eanota umi mbaʼe iñinteresánteva pe Biblia reipurúvape restudia hag̃ua, tahaʼe impréso térã elektróniko.

• Eñeporandu koʼã mbaʼe elee aja: “Mbaʼe, máva, moõ, arakaʼe, mbaʼéicha ha mbaʼére”.

• Ehekave informasión. Ikatu eheka por téma térã por versíkulo, ha upearã ikatu eipuru umi erramiénta jarekóva jaheka hag̃ua informasión.

• Ejepyʼamongeta la releévare ehecha hag̃ua mbaʼéichapa ikatu nepytyvõ pe informasión.

• Emoĩ en práktika umi mbaʼe reaprendéva (Lu 6:47, 48).

EHECHA PE VIDÉO ÑAÑAKARAMA HATÃ ÑANDEJÁRA ÑEʼẼRE PE ESTÚDIO PERSONÁL RUPIVE, UPÉI ERRESPONDE KOʼÃ PORANDU:

• ¿Mbaʼépa heʼi unos kuánto ermáno pe estúdio personál rehe?

• ¿Mbaʼérepa ñañemboʼe vaʼerã jastudia mboyve?

• ¿Mbaʼépa ikatu ñanepytyvõ ñantende porãve hag̃ua peteĩ téxto?

• ¿Mbaʼéichapa ikatu ñamarka ñande Biblia jaipurúva jastudia hag̃ua?

• ¿Mbaʼérepa iñimportantete jajepyʼamongeta jastudia jave Ñandejára Ñeʼẽ?

• ¿Mbaʼépa jajapo vaʼerã umi mbaʼe ñaaprendévagui?