¿Mbaʼéichapa umi testígo de Jehová ojapo peteĩ kúrso bíblico?
Umi testígo de Jehová oipuru peteĩ método ifásil ha isensíllova oipytyvõ hag̃ua la héntepe oikuaa hag̃ua la Biblia omboʼéva. Por ehémplo ko kúrso rupive ikatúta reikuaa koʼã mbaʼe:
Mbaʼéichapa ikatu revyʼa.
Mbaʼéichapa ikatu oiko ndehegui Ñandejára amígo.
Mbaʼépa la Biblia opromete oikotaha koʼẽrõite.
Ko pártepe oñekontestáta koʼã pregúnta:
Añepyrũramo la kúrso, ¿heʼise piko upéva oikotamaha chehegui testígo de Jehová?
¿Ikatu piko ótra persóna opartisipa avei pe kúrsope chendive?
Oiméramo anteve che astudiáma kuri peteĩ testígo de Jehovándi, ¿ikatu piko astudia jey?
¿Ikatu piko astudia che añónte la Biblia chepytyvõʼỹre peteĩ Testígo?
¿Mbaʼéichapa ojejapo umi kúrso bíblico?
Peteĩ Testígo nepytyvõta reikuaa hag̃ua la Biblia omboʼéva. Ko kúrsope ojestudia la Biblia por téma ha ojepuru peteĩ materiál hérava ¡Jaikóta vyʼápe pára siémpre! Péicha mbeguekatúpe ikatúta reaprende mbaʼépa omboʼe la Biblia, ha mbaʼéicha umi mbaʼe reaprendéva ou porãta ndéve. Ko vidéope ojeexplika porãve upéva.
¿Ojekovra piko álgo pe kúrsore?
Nahániri. Ore testígo de Jehová rosegi la Jesús heʼi vaʼekue idisipulokuérape: “Grátis oñemeʼẽ kuri peẽme, ha peẽ grátinte pemeʼẽ vaʼerã avei” (Mateo 10:8). Upéicha rupi ndorokovrái pe Bíbliare ni pe lívro héravare ¡Jaikóta vyʼápe pára siémpre!
¿Mboy tiémpo piko ipuku?
Pe kúrso kompletoite oreko 60 leksión. Nde ikatu redesidi mboy tiémpopa restudiáta káda semána. Algúno odesidi ostudia peteĩ leksión por semána ha ótro katu odesidi ostudia hetave.
¿Mbaʼépa ajapo vaʼerã añepyrũ hag̃ua?
1. Emyenyhẽ pe formulário oĩva ore sítiope. Umi nde dáto personál ojepurúta sólamente peteĩ testígo de Jehová oñekomunika hag̃ua nendive.
2. Peteĩ Testígo oñekomunikáta nendive. Upe persóna ojapóta ndéve la kúrso ha oexplikáta ndéve mbaʼéichapa ojejapo. Ikatu reporandu chupe kualkiér kósa reikuaaséva pe kúrsogui.
3. Oñondive pehecháta mbaʼéicha okonvenive peẽ pejapo la kúrso. Pe kúrso ikatu ojejapo en fórma presensiál, por teléfono, videollamáda, korréo elektróniko rupive térã por kárta. Pe kúrso odura jepi una óra, péro ikatu ipukuve térã mbykyve, upéva odependéma nderehe.
¿Ikatu piko atantea raẽnte ahecha hag̃ua chegustátapa?
Si ikatu. Upearã tekotevẽ remyenyhẽ pe formulário oĩva ore sítiope. Upéi peteĩ Testígo oñekomunika vove nendive, ere vaʼerã chupe primero retanteataha ndegustátapa o no pe kúrso. Pe nembostudiátava oipurúta pe folléto ¡Jaikóta vyʼápe pára siémpre!, orekóva mbohapy leksión.
Añepyrũramo la kúrso, ¿heʼise piko upéva oikotamaha chehegui testígo de Jehová?
Nahániri, ndahaʼéi péicha. Umi testígo de Jehová ningo ovyʼaiterei ikatu haguére oipytyvõ ótrope ontendeve hag̃ua la Biblia, péro ndoovligái avavépe oike hag̃ua irrelihiónpe. Haʼekuéra oikuaa káda uno jarekoha pe derécho jadesidi hag̃ua mbaʼépa jagueroviáta (1 Pedro 3:15).
¿Ikatu piko aipuru che Biblia?
Si, ikatu eipuru kualkiér traduksión de la Biblia ndegustavéva. Umi testígo de Jehová oipuru pe Traducción del Nuevo Mundo, péva haʼe peteĩ traduksión ijexáktova ha ifásil oñentende hag̃ua. Upéicharõ jepe roikuaa heta persóna oipuruseha pe Biblia orekóva voi.
¿Ikatu piko ótra persóna opartisipa avei pe kúrsope chendive?
Si, nde reipotáramo ikatu reinvita ne famíliape térã ne amigokuérape.
Oiméramo anteve che astudiáma kuri peteĩ testígo de Jehovándi, ¿ikatu piko astudia jey?
Si ikatu. Pe kúrso koʼag̃agua ikatu ndegustave hína. Heta mbaʼépe oñemehora ko kúrso ikatu hag̃uáicha ideprovechove umi héntepe. Oreko hetave párte ñañemongeta hag̃ua, oreko avei fóto, áudio ha heta vidéo.
¿Ikatu piko astudia che añónte la Biblia chepytyvõʼỹre peteĩ Testígo?
Si ikatu. Péro heta persónape ifasilve oaprende hag̃ua oipytyvõramo chupe álgien. Ha heta katu ostudiasénte haʼeño. Pe seksión héravape: “Erramiénta restudia hag̃ua la Biblia”, retopáta heta mbaʼe nepytyvõtava, ha ndojekovrái mbaʼeve umívare. Por ehémplo:
Vidéo oñeʼẽva la Bíbliare. Koʼã vidéo mbykývape ojeexplika umi enseñánsa bíblica iñimportantevéva.
La Biblia okontesta koʼã porandu. Koʼã artíkulope oñerresponde heta pregúnta bíblica.
Textos bíblicos explicados. Ojeexplika heta téxto bíblico ikonosídova.