JAIKO KRISTIÁNO TEÉICHA
Ñamombaʼeguasu Jehovápe jaservívo de prekursór
Umi israelita oreko kuri heta rrasón omombaʼeguasu hag̃ua Jehovápe. Haʼe onohẽ chupekuéra Egíptogui ha osalva enterovépe faraón ehérsitogui (Éx 15:1, 2). Koʼág̃a peve Jehová osegi ojapo heta mbaʼe ipuévlo rehehápe. ¿Mbaʼéichapa ikatu jahechauka jaagradeseha chupe? (Sl 116:12).
Por ehémplo, ikatu ñamoñepyrũ ñande prekursorádo auxiliár térã rregulár. Ikatu jajerure Jehovápe tomeʼẽ ñandéve pe deséo ha pe podér jaservi hag̃ua de prekursór (Flp 2:13). Heta oĩ primerorã ojapóva pe prekursorádo auxiliár. Reservíramo de prekursór auxiliár marzo, abrílpe, térã pe mes pendevisitahápe pe superintendénte de sirkuíto, ikatu reelehi rejapótapa 30 térã 50 óra. Rehechávo mbaʼeichaitépa revyʼa rejapóvo pe prekursorádo auxiliár, katuete rejaposéta pe prekursorádo rregulár. Oĩ ermáno ombaʼapóva un diaite térã hasykatúva, péro lomímonte ojapo iprekursorádo rregulár (mwb16.07 8). Ajépa Jehová omerese ñañehaʼãmbaite ñameʼẽ chupe iporãvéva (1Cr 16:25).
EHECHA PE VIDÉO MBOHAPY OÑOERMÁNA MONGOLIAGUA, HA UPÉI EKONTESTA KOʼÃ PORANDU:
¿Mbaʼe situasión ijetuʼúvapa ombohovái koʼã mbohapy ermána oservi hag̃ua de prekursóra?
¿Mbaʼe vendisiónpa orresivi hikuái?
¿Mbaʼe ótro servísiopa ohupyty hikuái oñepyrũ rire ojapo iprekursorádo rregulár?
¿Mbaʼéichapa oipytyvõ ótrope iñehemplokuéra?