JAIKO KRISTIÁNO TEÉICHA
Ñaĩ organisádo japredika hag̃ua ko múndo tuichakuére
Jehová oorganisa porã vaʼekue umi israelítape, péicha avei koʼág̃a oorganisa ipuévlope okumpli hag̃ua hikuái pe tembiapo haʼe omeʼẽva. Umi sukursál, umi sirkuíto, umi kongregasión ha umi grúpo de predikasión oĩva ko múndo tuichakuére ombaʼapo oñondivepa omombeʼu hag̃ua umi notísia porã. Ñande ningo japredika enterovépe, umi oñeʼẽvape jepe ótro idióma (Apc 14:6, 7).
¿Nerepensáipa algúna ves reaprendévo ótro idióma repredika hag̃ua umi héntepe? Ikatu saʼi ne tiémpo restudia hag̃ua ótro idióma, upéicharõ jepe reipurukuaa pe aplikasión JW Language reaprende hag̃ua peteĩ presentasión isensíllova. Revyʼaitereíta ningo reipurúvo pe presentasión predikasiónpe, ovyʼa haguéicha umi ermáno síglo primero guare. Haʼekuéra omombeʼu vaʼekue umi hénte ótro paisguápe iñidiomaitépe “umi mbaʼe ijojahaʼỹva Ñandejára ojapo vaʼekue” (Hch 2:7-11).
EHECHA PE VIDÉO EIKÓKENA JEHOVÁ AMÍGORAMO: EPREDIKA UMI OÑEʼẼVAPE ÓTRO IDIÓMA, HA UPÉI ERRESPONDE KOʼÃ PORANDU:
¿Mbaʼéicha javépa iporã jaipuru pe aplikasión JW Language?
¿Mbaʼe mbaʼépa oreko pe aplikasión?
Enterove umi persóna oikotevẽ ohendu umi notísia porã iñidiomaitépe
¿Mbaʼe ótro idiómapepa oñeñeʼẽ nde territóriope?
¿Mbaʼépa rejapo vaʼerã retopáramo peteĩ persóna oñeʼẽva ótro idióma ha ohenduséva umi notísia porã? (od 100-101 párr. 39-41).