Eñembokatupyryvékena: epredika umi oñeʼẽvape ótro idióma

Mbaʼérepa iñimportánte: Jehová oipota opaichagua persóna oikuaa porã chupe (Hech. 10:34, 35). Jesús heʼi vaʼekue pe marandu porã ojepredika vaʼerãha “oparupiete ko yvy ape ári” ha “opa tetãrupi” (Mat. 24:14). Proféta Zacarías heʼi vaʼekue avei umi hénte “oñeʼẽva diferénte idiómape” oñemoag̃uitaha Jehová organisasiónre (Zac. 8:23). Apóstol Juan katu ohecha vaʼekue peteĩ visiónpe hetaiterei hénte ojesalvataha pe jehasa asy guasúpe, ha umíva ouha ‘opa tetã, trívu ha puévlogui ha oñeʼẽ opaichagua idiómape’ (Apoc. 7:9, 13, 14). Upévare, jatopa jave ñande territóriope umi hénte oñeʼẽva ótro idiómape, ñañehaʼãmbaite vaʼerã japredika chupekuéra.