JAIKO KRISTIÁNO TEÉICHA

Umi erramiénta pyahu ñaporomboʼe hag̃ua: ¡Jaikóta vyʼápe para siémpre!

¡Ajépa javyʼaite jareko haguére peteĩ lívro ha folléto pyahu jajapo hag̃ua estúdio bíblico! Jajerure ningo Jehovápe ovendesi hag̃ua ñane rembiapo jajapo hag̃ua hetave disípulo (Mt 28:18-20; 1Co 3:6-9). ¿Mbaʼéichapa ikatu jaipuru koʼã erramiénta pyahu?

Jaipuru hag̃ua koʼã erramiénta pyahu tekotevẽta ñakambia ñaporomboʼe lája. Upévare eñehaʼãmína esegi koʼã mbaʼe rejepreparáta jave peteĩ estudiorã ha rejapokuévo pe estúdio:a

Elee umi informasión ha ejepyʼamongeta umi porandúre.
Elee umi téxto ojeruréva pe párrafo, ha eipytyvõ ne estudiántepe ontende hag̃ua la omboʼeséva.
Ehechauka umi vidéo ha ejapo umi porandu oĩva pe puvlikasiónpe.
Eñehaʼã emohuʼã peteĩ leksión káda estúdiope.

Repredika jave, primero reofrese vaʼerã pe folléto rehecha hag̃ua oimépa ointeresa pe ogajárape (ehecha pe rrekuádro “Mbaʼéichapa ikatu jaofrese pe folléto ¡Jaikóta vyʼápe pára siémpre! pe primera konversasiónpe”). Oimérõ pestudiapáma pe folléto ha ne estudiánte okontinuase ijestúdio eofrese chupe pe lívro, ha pesegi pe leksión 4 guive. Ha oiméramo restudiáma hína ótra puvlikasión pe persónandi, ikatúntema rehasa ha pestudia pe lívro ¡Jaikóta vyʼápe para siémpre! Ndete ikatu redesidi mbaʼe leksión guivépa peñepyrũta.

El mísmo matrimónio oipuru pe lívro “¡Jaikóta vyʼápe pára siémpre!” ostudia hag̃ua pe kariaʼýndi hógape

EHECHA PE VIDÉO ¡EDISFRUTA NDE ESTÚDIO DE LA BIBLIA!, HA UPÉI ERRESPONDE KOʼÃ PORANDU:

¿Mbaʼépa oaprendéta umi estudiánte oipurúvo ko lívro pyahu?
¿Mbaʼérepa jahechauka vaʼerã ko vidéo umi estudiánte pyahúpe?
¿Mbaʼe métapa ikatu remokyreʼỹ rehóvo ne estudiántepe omoĩ hag̃ua? (Ehecha pe rrekuádro “Idéa prinsipál ha méta káda seksiónpe g̃uarã”).

a NÓTA: Odependéma nderehe eanalisátapa ne estudiántendi pe estúdio aja pe párte hérava “Einvestiga hag̃ua”, péro restudia vaʼerã kompletoite nde rejeprepara jave. Péicha reikuaa porãta mbaʼépa ideprovechovéta ne estudiántepe. Pe versión dihitál oreko umi enláse rehecha hag̃ua umi videokuéra ha avei umi informasión éxtra oĩva.

IDÉA PRINSIPÁL HA MÉTA KADA SEKSIÓNPE G̃UARÃ
	LEKSIÓN	IDÉA PRINSIPÁL	UMI MÉTA IKATÚVA OHUPYTY PE ESTUDIÁNTE
1	01-12	Ehecha mbaʼéichapa la Biblia ikatu nepytyvõ ha mbaʼéichapa ikatu reikuaa porãve upe oskrivika vaʼekuépe.	Emokyreʼỹ ne estudiántepe olee hag̃ua la Biblia, ojeprepara hag̃ua pe estudiorã ha ñanemoirũ hag̃ua rreunionhápe.
2	13-33	Ehecha mbaʼe mbaʼépa Ñandejára ojapóma ñanderehehápe ha mbaʼéichapa oipota jaadora chupe.	Eipytyvõ ne estudiántepe omombeʼu hag̃ua ótrope umi mbaʼe oaprendéva ha oiko hag̃ua chugui puvlikadór.
3	34-47	Ehecha mbaʼépa Ñandejára ohaʼarõ umi oservívagui chupe.	Emokyreʼỹ ne estudiántepe oñemeʼẽ hag̃ua Jehovápe ha ojevautisa hag̃ua.
4	48-60	Ehecha mbaʼépa rejapo vaʼerã Ñandejára nderayhu hag̃ua pára siémpre	Emboʼe ne estudiántepe odiferensiakuaa hag̃ua pe iporãva pe ivaívagui ha eipytyvõ chupe osegi hag̃ua oprogresa.