5-11 DE AGOSTO

TESÓRO OĨVA ÑANDEJÁRA ÑEʼẼME

1. Emombeʼúkena “pe henerasión oúvape” mbaʼeichaitépa ipoderóso Ñandejára

(10 min.)

David ohechakuaa mbaʼéichapa Jehová oprotehe chupe imitã aja (Sl 71:5; w99-S 1/9 18 párr. 17).

David orrekonose Jehová osegiha oñangareko hese ijeda rire (Sl 71:9; g04-S 8/10 23 párr. 3).

David omokyreʼỹ umi imitãvévape omombeʼúvo chupekuéra umi mbaʼe haʼe ohasa vaʼekue (Sl 71:17, 18; w14 15/1 23 párr. 4, 5).

Pe família ojekuaa vaʼekue pe semána ohasa vaʼekuépe pe párte héravape “Ejapókena igústo hag̃uáicha nde estúdio de família”. Haʼekuéra oinvita peteĩ matrimónio ijedávape ha vyʼápe ohendu iñexperiensiakuéra ohecha aja hikuái ifotokuéra.

EÑEPORANDUMÍNA: “¿Oĩpa che kongregasiónpe umi heta áñorema oservíva Jehovápe ikatúva aentrevista che estúdio de famíliape?”.

2. Óro kuʼi oĩva la Bíbliape

(10 min.)

Sl 72:8. ¿Mbaʼéichapa oñekumpli rréi Salomón tiémpope pe promésa Jehová ojapo vaʼekue Abrahánpe Génesis 15:18-pe? (it-1-S 883).

Rrespuésta
¿Mbaʼeichagua óro kuʼípa retopa ko semánape?

Rrespuésta

3. Lektúra bíblica

(4 min.) Sl 71:1-24 (th leksión 5).

ÑAMBOʼE PORÃVE HAG̃UA

4. Ñañepyrũ hag̃ua ñañemongeta

(3 min.) JAPREDIKA OGAHÁRUPI. Pe persóna oñepyrũ vove ojodiskutise, nderory ha ejedespedínte chugui (lmd leksión 4 púnto 5).

5. Jajapo rrevisíta

(4 min.) JAPREDIKA OIMEHÁPE. Eñemongeta jey peteĩ ne hénte odudávandi oasepta hag̃ua peteĩ kúrso bíblico (lmd leksión 8 púnto 4).

6. Eexplika umi mbaʼe egueroviáva

(5 min.) Diskúrso. ijwfq 49. Téma: ¿Mbaʼérepa umi testígo de Jehová okambia mimi jepi umi mbaʼe ogueroviáva? (th leksión 17).

JAIKO KRISTIÁNO TEÉICHA

7. ¿Mbaʼe mbaʼépa ikatu pestudia en família?

(15 min.) Eanalisa ermanokuérandi.

Pe família ojekuaáva pe ótro taʼangápe oñemboʼy hína oñensaja hag̃ua peteĩ kántiko.

Pe família ohecha peteĩ prográma de JW Broadcasting.

Peteĩ mitãkuña oñensaja isýndi ijestúdio de famíliape.

Sapyʼánte ikatu ijetuʼu ojejapo hag̃ua pe estúdio de família, péro ovale hína la péna. Tuakuéra, pejapókena igústo hag̃uáicha pe estúdio, péicha umi mitã oaprendesevéta Ñandejára Ñeʼẽgui (Jn 6:27; 1Pe 2:2). Upéva ningo iñimportanteterei, pórke upépe umi mitã oaprendéta ovalora hag̃ua mbaʼérepa peẽ tuakuéra “pekorrehi ha peñemoñeʼẽ chupekuéra Jehová heʼiháicha” (Ef 6:4). Emombeʼu mbykymi mbaʼe rehepa oñeñeʼẽ pe rrekuádro héravape “¿Mbaʼépa ikatu pestudia?”. Upéva ikatu oipytyvõ tuakuérape omboʼe porã hag̃ua ifamíliape ha ovyʼa hag̃ua ojapóvo upéva. Upéi eporandu:

¿Mavaitévapa koʼã suherénsia apytégui nde rejapose?

Rrespuésta
¿Oĩpa algúna ótra kósa pejapóva en família ha oikoitéva peẽme g̃uarã?

Rrespuésta

¿MBAʼÉPA IKATU PESTUDIA?

BIBLIA:

Pehendu upe semánape g̃uarã pe lektúra de la Biblia gravasión. Térã peñoturna pelee hag̃ua, por ehémplo káda uno ikatu pelee diferénte personáhe.
Eprepara unos kuánto porandu erekóvo enkuénta pe lektúra semanál. Upéi káda uno ikatu oelehi peteĩ porandu ha oheka informasión. Upe rire ikatu pekomparti oñondive umi mbaʼe peaprendéva.
Ejapo peteĩ porandu térã emombeʼu peteĩ situasión ikatúva oiko, ha peheka umi téxto bíblico penepytyvõtava peipurúvo pe lívro Téxto bíblico ogiáva kristianokuérape.
Pelee peteĩ rreláto bíblico, ha pejapo peteĩ demostrasión upévagui.
Káda semána ikatu pemoĩ peteĩ kuatiaʼípe diferénte téxto bíblico. Umíva ikatu penohẽ pe informasión A oĩvagui pe folléto Pe oporohayhúva omboʼe umi héntepe, ha peñehaʼã peikuaa de memória umi téxto. Ikatu avei pelee jey umi kuatiaʼi peskrivíma vaʼekue umi ótra semána ohasa vaʼekuépe.
Pestudia peteĩ párte peiporavóvagui pe lívro ¡Jaikóta vyʼápe pára siémpre!
Easigna umi ne familiakuérape oexplika hag̃ua peteĩ téma osẽva umi artíkulope “La Biblia okontesta koʼã porandu”, térã umi artíkulope “Textos bíblicos explicados”, jatopáva pe párte héravape “LA BIBLIA OMBOʼÉVA” jw.org-pe.

RREUNIONRÃ:

Peprepara peteĩ párte ojestudiátava rreunionhápe.
Peprepara ha peñensaja pene komentariorã. Pekontrola mboy tiémpopa ipuku.
Peñensaja umi kántiko ojepurahéitava.
Pehecha mbaʼépa ikatu peje pemokyreʼỹ hag̃ua álgienpe oñepyrũ mboyve térã opa rire pe rreunión ha upéi peñensaja upéva.
Oiméramo peteĩ ne família ipárteta hína pe rreunión éntre semanaguápe, ikatu oñensaja pene renondépe.

PREDIKASIONRÃ:

Pejeprepara pepredika hag̃ua ogahárupi.
Pejeprepara pejapo hag̃ua rrevisíta.
Peñeimahina peteĩ situasiónre ha upéi peñensaja mbaʼéichapa ikatu peñepyrũ peñemongeta.
Pehecha mbaʼéichapa ikatu pepredikave Konmemorasión tiémpope térã vakasión aja.

UMI MBAʼE NE FAMÍLIA OIKOTEVẼVA:

Peñensaja mbaʼéichapa ikatu pene família ombohovái peteĩ situasión oikóma vaʼekue térã ikatúva oiko amo gotyove. Por ehémplo oñemboliga jave chupekuéra inóvio térã inóvia hag̃ua, ani hag̃ua oñentremete polítikare, oĩ jave oñembohorýva ha otrata vaíva chupekuéra, térã ojejapo jave peteĩ festého.
Pene família orekóramo peteĩ porandu, ikatu pejerure chupekuéra oinvestiga hag̃ua la rrespuésta ha upéi peheja chupekuéra toexplika peẽme la otopa vaʼekue.

¿MBAʼE MBAʼÉPA IKATU AVEI PEJAPO?

Pehecha peteĩ prográma oĩva JW Broadcástingpe ha upéi peñemongeta la peaprende vaʼekuére.
Pelee peteĩ artíkulo térã pehecha peteĩ vidéo oĩva jw.org-pe ha peñemongeta hese.
Pestudia peteĩ téma oĩva pe párte héravape “Mitãrusu ha mitãkuñanguéra” térã “Mitãnguéra”, umíva oĩ pe seksión héravape “LA BIBLIA OMBOʼÉVA” jw.org-pe.
Pelee jey umi mbaʼe peanota vaʼekue asambleahápe.
Pemaña ha peinvestiga pe kreasión ha peñemongeta mbaʼépa umíva penemboʼe Jehovágui.
Sapyʼánte ikatu peinvita peteĩ ermáno térã ermánape ostudia hag̃ua penendive ha peentrevista chupe.
Pemoĩ umi méta peservi porãve hag̃ua Jehovápe ha peñemongeta mbaʼéichapa ikatu pehupyty umíva.
Pejapo peteĩ projékto oñondive, ikatu peteĩ árka de Noé, térã pestudia umi mápa ha rrekuádro oĩva pe Traducción del Nuevo Múndope ha ñane puvlikasionkuérape.

Ehechauka pe VIDÉO ¿Mbaʼéichapa ikatu pejapo porãve pende estúdio de família? Upéi eporandu:

¿Mbaʼépa ikatu ojapo peteĩ ména igústo hag̃ua hembirekópe ijestúdio de família, ndaipóriramo jepe mitã hogapekuéra?

Rrespuésta

8. Estúdio bíblico kongregasionpegua

(30 min.) bt kap. 13 párr. 17-24.