Jastudia hag̃ua

Jaikuaa porãve hag̃ua Jehovápe

Jalee jave la Biblia ikatu jaipuru umi erramiénta jarekóva ñainvestiga hag̃ua. Umíva ñanepytyvõta ñantende porãve hag̃ua la jaleéva. Péro ndajastudiái jaikuaa hag̃uánte heta mbaʼe, síno jaikuaase umi kualida porã Jehová orekóva ikatu hag̃uáicha jahayhuve chupe. Upearã ikatu ñañeporandu jepi: “¿Mbaʼépa chemboʼe ko rreláto bíblico Jehovágui?”.

Por ehémplo ikatu jastudia umi káso Jehová ohechauka haguépe oporohayhuha, iñarandu, ihústo ha ipoderosoha. Péro Jehová oreko hetaitereive kualida iporãitereíva. ¿Moõpa ikatu jatopa umi informasión oñeʼẽva umívare?

Oĩ peteĩ lísta oĩháme mas de 50 kualida Jehová orekóva. Ikatu jatopa upe lísta pe Índice de las publicaciones Watch Tówerpe. Jaheka vaʼerã heʼihápe “Jehová”, upéva guýpe jaha heʼihápe “Cualidades por nombre”. Ikatu jastudiave pe kualida oñemensionáva hína ñande lektúra de la Bíbliape. (Oimérõ jareko sólamente pe Gía oipurúva testígo de Jehová otopa hag̃ua informasión, lomímonte upépe ikatu jaheka heʼihápe “Jehová”, upéi pe subtítulo “Umi kualida Jehová orekóva”).