¿Oexistípa Satanás?
Mbaʼépa heʼi la Biblia
Si, Satanás oexisti legálmente, ha haʼe hína “pe ogovernáva ko múndo”. Satanás haʼe vaʼekue peteĩ Ñandejára ánhel, péro upéi ou irrevélde ha opuʼã hese (Juan 14:30; Efesios 6:11, 12). La Bíbliape oñehenói chupe heta hendáicha, ha umi téra ha título oñemoĩva chupe ohechauka porã mbaʼeichaitépa iñaña. Por ehémplo:
Satanás, heʼise “peteĩ oñemoĩva ótrore” (Job 1:6).
Diablo, heʼise “peteĩ ijapúva ótrore oheja vai hag̃ua chupe” (Apocalipsis 12:9).
Mbói, la Bíbliape heʼiséva jepi “ombotavýva ótrope” (2 Corintios 11:3).
Japu ruvicha (Juan 8:44).
Ndahaʼéi peteĩ mbaʼe vai jarekóva ñane korasõme
Algúno opensa Satanás haʼeha peteĩ mbaʼe vai jarekóva ñane korasõme. Péro la Biblia heʼi algúna vése Satanás oñemongeta hague Ñandejárandi. Ñandejára ningo perfékto, upévare ndaikatúi jaʼe umícha jave haʼe oñemongeta hague peteĩ mbaʼe vai haʼe orekóvandi ikorasõme (Deuteronomio 32:4; Job 2:1-6). Avei Satanás oñemongeta vaʼekue Jesúsndi ha omoĩ chupe unos kuánto tentasión, péro Jesús ningo perfékto avei Ñandejáraicha ha ndorekói mbaʼeve ivaíva ipype (Mateo 4:8-10; 1 Juan 3:5). Upéicharõ, la Biblia ohechauka porã Satanás si oexistiha, ha ndahaʼeiha ku káda uno orekóva peteĩ mbaʼe vai ikorasõme, ha upévante guaʼu la oñeʼẽva ha ojapóva la kósa.
¿Sera piko ñañesorprende vaʼerã oĩ haguére heta hénte ndogueroviáiva Satanás oexistiha? Ni michĩmi voi, pórke la Biblia heʼi voi haʼe ombotavyha la héntepe ojapo hag̃ua la ogustáva chupe (2 Tesalonicenses 2:9, 10). Haʼe ojapo heta mbaʼe ombotavy hag̃ua la héntepe, ha peteĩva umi osẽ porãvéva chupe, haʼe voi hína ogueroviaka chupekuéra haʼe ndoexistiriha. Péicha ikatu ojapo ojaposéva avave opillaʼỹre chupe (2 Corintios 4:4).
Ótra kósa oñentende vaíva jepi Satanás rehe
La verda: Pe palávra hebrea ojetradusíva “Lucifer” algúno Bíbliape, heʼise hína en rrealida ‘peteĩ omimbipáva’ (Isaías 14:12). Isaías kapítulo 14-pe ko palávra ojepuru oñeñeʼẽ hag̃ua umi rréi oĩ vaʼekuére Babilóniape. Chupekuéra ningo Ñandejára omotĩ vaʼekue pórke ijejapoiterei hikuái (Isaías 14:4, 13-20). Umi rréi de Babilonia rehe ojeʼe vaʼekue ‘omimbipaha’ oñembohory hag̃ua hesekuéra, pórke oñehundipáma kuri la igoviernokuéra.
La verda: Satanás haʼe Ñandejára enemígo, ndahaʼéi isiérvo. Satanás oñemoĩ avei enterove umi oservívare Ñandejárape, upévare opersegi ha oakusa reiete chupekuéra (1 Pedro 5:8; Apocalipsis 12:10).