¿Mbaʼépa hína pe pekádo?
Mbaʼépa heʼi la Biblia
Pekádo heʼise jajapo, ñañandu térã ñapensaha álgo ndogustáiva Ñandejárape. Upévape oike por ehémplo jajapóramo álgo ivaíva térã iñinhústova Ñandejára renondépe (1 Juan 3:4; 5:17). Péro la Biblia heʼi avei jaikuaa porãramo pe oĩ porãva ha lomímonte ndajajapói, upéva haʼeha avei peteĩ pekádo (Santiago 4:17).
Umi palávra ojetradusíva jepi pekádo la Bíbliape, en rrealida heʼise “jajavy térã ndajajasertái álgo”. Ñantende hag̃ua la heʼiséva upéva, ikatu ñapensa peteĩ grúpo de soldádo oĩ vaʼekuére yma Israélpe. La Biblia heʼi hesekuéra oipurukuaa hague pe ónda ha ipulsoiterei rupi, núnka “ndojavýi voi ni michĩmi”. Ko párte legálmente ikatu avei ojetradusi “haʼekuéra ndopekái voi ni michĩmi” (Jueces 20:16). Upéicharõ, japeka heʼise hína jajavyha álgope Ñandejára renondépe.
Ñandejára haʼe rupi ñande Kreadór, oreko la derécho heʼívo ñandéve mbaʼéicha jaiko vaʼerã (Apocalipsis 4:11). Ha haʼe ñandehusgáta umi mbaʼe jajapóvare (Romanos 14:12).
¿Ikatúpa jajapo álgo ani hag̃ua núnka japeka mbaʼevépe?
No. La Biblia heʼi: “Enterove opeka ha ni peteĩva ndaikatúi ohechauka umi kualida porã Ñandejára ojapoháicha” (Romanos 3:23; 1 Reyes 8:46; Eclesiastés 7:20; 1 Juan 1:8). ¿Péro mbaʼérepa upéva?
Ñande tuakuéra ypykue Adán ha Eva, ndahaʼéi vaʼekue pekadór. Ñandejára okrea vaʼekue chupekuéra perfékto, ha haʼekuéra ojoguaiterei vaʼekue chupe (Génesis 1:27). Péro upéi haʼekuéra odesidi naiñeʼẽrendumoʼãiha Ñandejárape, ha péicha oiko chuguikuéra pekadór (Génesis 3:5, 6, 17-19). Upéi ifamíliarõ guare hikuái, ombohasáma chupekuéra pe pekádo, ha káda uno ogueronaséma voi upéva (Romanos 5:12). Pe rréi David de Israel heʼi vaʼekue voi: “Che ningo anaséma voi pekadór” (Salmo 51:5).
¿Oĩpa pekádo ivaivéva ótrogui?
Si. Por ehémplo, la Biblia heʼi umi hénte oiko vaʼekue Sodoma ha Gomórrape ojapo hague heta mbaʼe “ivaietereíva” voi (Génesis 13:13; 18:20). Oĩ mbohapy mbaʼe ikatúva jareko enkuénta jaikuaa hag̃ua mbaʼeichaite pevépa ivai peteĩ pekádo.
Mbaʼépa la ojejapóva. La Biblia heʼi oĩha pekádo ivaietereíva, por ehémplo álgien hekovaíramo, oadora umi taʼanga, omonda, okaʼu, ombotavy hapichápe, ojuka hapichápe térã ojapo espiritísmo (1 Corintios 6:9-11; Apocalipsis 21:8). La Biblia heʼi avei jaʼe térã jajapóramo álgo ñapensa porãʼỹre ha japerhudika ñande rapichápe, upéva haʼeha peteĩ pekádo. Péro ohechauka porã avei peichagua pekádo ndahaʼeiha la ivaietereíva umi ótro ñamensiona vaʼekuéicha angete (Proverbios 12:18; Efesios 4:31, 32). Upéicharõ jepe, la Biblia heʼi ndovaleiha jaʼe koʼãichagua pekádo vyroreiha, pórke umíva ikatu ñandegueraha amo ipahápe jajapo hag̃ua ótra kósa ivaivéva Ñandejára renondépe (Mateo 5:27, 28).
Mbaʼérepa ojejapo. Algúno ikatu ou ojapo álgo noĩporãiva ha péicha opeka, péro ndoikuaáinte kuri la Ñandejára heʼíva upe témare (Hechos 17:30; 1 Timoteo 1:13). La Biblia ndeʼíri peichagua pekádo ndaivairiha, péro ohechauka avei tuichaha la diferénsia álgien ojapóramo a propósito voi álgo oikuaa porãva oĩ vaiha (Números 15:30, 31). La Biblia heʼi peichagua persóna orekoha peteĩ “korasõ aña” (Jeremías 16:12).
Mboy vésepa ojejapo. La Biblia ohechauka avei idiferenteha peteĩ persóna opekáramo una vénte, ha opekáramo heta vése heta tiémpore (1 Juan 3:4-8). Ñandejára okastigáta umi ‘osegívape opeka ojaposégui rei upéva’ oikuaa riréma jepe ivaiha la ojapóva (Hebreos 10:26, 27).
Algúno opeka vaíva ikatu ou ombyasyeterei la ojapo vaʼekue. Por ehémplo, rréi David heʼi vaʼekue: “Umi mbaʼe vai ajapo vaʼekue haʼete chéve peteĩ kárga ipohýiva araháva che akã ári, ha ndaikatuvéima chepuʼaka hese” (Salmo 38:4). Péro la Biblia heʼi oĩha esperánsa chupekuéra g̃uarã, pórke heʼi: “Pe iñañáva toheja hembiapo vai, ha anive opensa ivaívare. Tou jey Jehová rendápe, pórke haʼe oiporiahuverekóta chupe. Toñemoag̃ui Ñandejárare, pórke haʼe operdonambaitéta chupe hembiapo vaikue” (Isaías 55:7).