Lección 1

Mbaʼéicha ikatu reikuaa Ñandejára ojeruréva

Mbaʼe información guasúpa oguereko la Biblia? (1)

Máva rembiapokuépa la Biblia? (2)

Mbaʼérepa restudiavaʼerã la Biblia? (3)

1. La Biblia haʼe peteĩ regalo guasu omeʼẽva Ñandejára. Haʼete peteĩ carta omondóva túva ohayhúva itaʼyrakuérape. Omombeʼu ñandéve añetegua Ñandejáragui: mávapa haʼe ha mbaʼépa ojerure ñandehegui. La Biblia omombeʼu mbaʼéicha ikatu ñambohovái problemakuéra ha mbaʼéicha ikatu jahupyty vyʼa añetetéva. La Biblia añoite heʼi ñandéve mbaʼépa jajapovaʼerã ñaime porã hag̃ua Ñandejára ndive. (Salmo 1:1-3; Isaías 48:17, 18.)

2. La Biblia ohaivaʼekue 40 kuimbaʼe rupi, 1.600 años pukukue aja, oñepyrũ 1513-pe, Jesucristo ou mboyve. Oguereko ipype 66 libroʼikuéra. Umi kuimbaʼe ndohaíri ijeheguireínte. Haʼekuéra ohai Ñandejára pensamiento. Upéicharõ Biblia Apohare haʼe Ñandejára yvágape oĩva, ndahaʼéi peteĩ tapicha yvypóra. (2 Timoteo 3:16, 17; 2 Pedro 1:20, 21.)

3. Ñandejára oñangareko Bíbliare ojecopia vove ani hag̃ua oñecambia térã okañy. Koʼág̃a g̃uarã hetaiteve Bíbliama ojejapo oimeraẽ líbrogui. Ani reimoʼã opavave ovyʼataha nendive restudia haguére la Biblia. Upevére, aníke reheja upéva ndejoko. Futuro opaʼỹva reguerekóta reikuaárõ Ñandejárape ha rejapórõ haʼe oipotáva, oĩrõ jepe ndejokoséva. (Mateo 5:10-12; Juan 17:3.)