Ehémplo porã: Asaf

Asaf ohasa kuri peteĩ situasión ijetuʼúva. Haʼetévaicha chupe umi persóna ndoservírivape Ñandejárape oho porãveha. Upévare oñeporandu oimépa añetehápe tekotevẽ osegi oñehaʼã oservi Jehovápe. Haʼe heʼi: “Maʼerã rei piko che añehaʼã chekorasõ potĩ ha ajepohéi ahechauka hag̃ua cheinosenteha”. Péro opensa porã rire ohechakuaa ojavy hague ha upévare okambia opensa lája. Haʼe ohechakuaa umi mbaʼe porã ohupytýva umi iñañáva opa reitaha. ¿Mbaʼéichapa oñeñandu Asaf ontende rire koʼã mbaʼe? Haʼe heʼi Jehovápe: “Nderehénte aikotevẽ Ñandejára” (Salmo 73:3, 13, 16, 25, 27).

¿Ndépa sapyʼánte repensáma avei Asaf opensa haguéicha? Upéicharõ iporãta nde avei rejepyʼamongeta porã upe témare. Upearã ikatu remaña umi persóna ndojapóivare umi mbaʼe Jehová oipotáva, ha eñeporandu: “¿Añetehápe piko oiko hikuái pyʼaguapýpe? ¿Ovyʼavépa hikuái oikuaa térã ojapo rupi álgo ñande jaservíva Ñandejárape ndajaikuaáiva?”. Repensáramo koʼã mbaʼére katuete rehecháta siertoha Asaf oskrivi vaʼekue: “Che katu añemoag̃ui Ñandejárare, ha ndaipóri mbaʼeve iporãvéva upévagui” (Salmo 73:28).