LEKSIÓN 4
Haʼe oipota itúva ha Jehová ovyʼa
¿Mbaʼépa opromete raʼe Jefté?
Ijetuʼúramo jepe, Jefté rajy ojapo itúva oprometéva
¿Rehechápa pe mitãkuñaʼi ko divúhope?... Haʼe ningo Jefté rajy. La Biblia nomombeʼúi ñandéve héra, péro jaikuaa haʼe ojapo hague umi mbaʼe ombovyʼáva itúvape ha Jehovápe. Jahechamína mbaʼépa ojapo raʼe Jefté ha itajýra.
Jefté ningo peteĩ kuimbaʼe ivuénova. Haʼe omboʼe itajýrape heta mbaʼe Jehovágui. Jefté avei imbarete ha omoakã porã umi oĩvape ikárgope. Upévare umi isrraelíta ojerure chupe omoakã hag̃ua chupekuéra oñorairõvo iñenemigokuéra kóntrape.
Upévo Jefté ojerure Ñandejárape toipytyvõ chupe ogana hag̃ua. Haʼe opromete omeʼẽtaha Jehovápe pe primera persóna osẽva orresivi chupe ou jeývo hógape. Upe persóna oho vaʼerã ombaʼapo Ñandejára tavernákulope oikove aja pukukue. Pe tavernákulo haʼe vaʼekue peteĩ lugár umi hénte ohohápe omombaʼeguasu Jehovápe. Upéi Jefté ogana pe gérra. ¿Ndépa reikuaa mávapa osẽ orresivi chupe oho jeývo hógape?...
Itajýra peteĩmi la osẽva. Jefté oñeñandu vaieterei upérõ. Péro haʼe ojapo kuri peteĩ promésa Jehovápe. Upévare upepete itajýra osẽ heʼi chupe: “Papa, rekumpli vaʼerã katuete upe reprometéva Jehovápe”.
Káda áño iñamigakuéra oho hendápe
Jefté rajy oñeñandu vaieterei avei. Ohóramo pe tavernákulope ndaikatumoʼãi omenda ni imemby. Péro haʼe ojaposeterei itúva opromete vaʼekue Jehovápe. Haʼe oipota Jehová ovyʼa. Upéva iñimportanteve chupe oimeraẽ mbaʼégui. Upévare oho oiko pe tavernákulope oikove aja pukukue.
¿Ovyʼánepa itúva ha Jehová upe ojapóvare? ¿Mbaʼépa nde repensa?... Si, ovyʼa hikuái. Nde neñeʼẽrendúramo ha rehayhu Jehovápe ojapo haguéicha Jefté rajy, katuete nde tuvakuéra ha Jehová ovyʼáta ndereheve.