LEKSIÓN 8
Josías amigokuéra ivuéno vaʼekue
¿Mbaʼépa nde ere? ¿Ijetuʼúpa jajeporta porã hag̃ua?... Heta hénte opensa ijetuʼuha. La Biblia oñeʼẽ peteĩ mitãʼi héravare Josías, ha omombeʼu hasy hague chupe ojapo hag̃ua iporãva. Péro Josías oreko vaʼekue amígo ivuénova ha oipytyvõva chupe. Jahechamína mávapa rakaʼe Josías ha iñamigokuéra.
Josías ningo Amón raʼy. Amón haʼe vaʼekue peteĩ rréi Judagua iñañáva ha oadoráva ñandejára guaʼúpe. Amón omano rire, itaʼýra Josías opyta ogoverna hendaguépe. ¡Péro upérõ Josías oreko ocho áño ramo! ¿Ndépa repensa iñaña hague avei itúvaicha?... Nahániri, haʼe ivuéno.
Sofonías heʼi umi héntepe ndovaleiha oadora ñandejára guaʼúpe
Jepe imitãiterei, Josías ojapose vaʼekue Jehová oipotáva. Upévare oiporavo iñamigorã umi ohayhúva Jehovápe. Umi iñamígo oipytyvõ Josíaspe ojeporta porã hag̃ua. ¿Mávapa rakaʼe Josías amigokuéra?
Peteĩ iñamígo héra Sofonías. Haʼe proféta ha oavisa umi hénte Judaguápe mbaʼépa oikóta hesekuéra osegíramo oadora umi ñandejára guaʼúpe. Josías opena Sofonías heʼívare ha omombaʼeguasu Jehovápe añoite.
Ótro iñamígo haʼe vaʼekue Jeremías. Mokõivéva ojoavegua ha oñovesíno. Josías ha Jeremías oñoamigoite. Upévare Josías omano rire Jeremías oskrivi peteĩ purahéi heʼihápe ohechagaʼuetereiha Josíaspe. Mokõivévante oñopytyvõ ojapo hag̃ua iporãva ha iñeʼẽrendu hag̃ua Jehovápe.
Josías ha Jeremías oñopytyvõ ojapo hag̃ua iporãva
¿Mbaʼépa nemboʼe Josías ehémplo?... Josías haʼéramo jepe peteĩ mitãʼínte, ojapose iporãva. Haʼe oikuaa iñamigokuéra ohayhu vaʼerãha Jehovápe. Reiporavóramo ne amigorã umi ohayhúva Jehovápe, haʼekuéra nepytyvõta rejeporta porã hag̃ua.