Mbaʼe rehepa oñeñeʼẽta seksión 6-pe

Umi israelita oike rire pe yvy Jehová opromete vaʼekuépe chupekuéra, siémpre oho hikuái pe tavernákulope omombaʼeguasu hag̃ua Jehovápe. Umi saserdóte omboʼe chupekuéra Ñandejára Léi ha umi hués katu omoakã chupekuéra. Ko seksiónpe jahecháta mbaʼéichapa umi mbaʼe jadesidíva ha jajapóva ikatu oipytyvõ térã operhudika ótrope. Umi israelita ifiél vaʼerã kuri Jehovápe ha hapichakuérape. Eexplika ne famíliape mbaʼéichapa Débora, Noemí, Josué, Ana, Jefté rajy ha Samuel omoĩ vaʼekue ehémplo porã pe lugár oikohápe. Emombeʼu avei chupekuéra mbaʼéichapa umi ótro paisgua jepe oñemoĩ vaʼekue umi israelita favórpe oikuaágui Jehová oĩha hendivekuéra, umíva apytépe oĩ Rahab, Rut, Jael ha umi gabaonita.