6 REBECA
Haʼe osẽ oho ndoikuaái ni moõpa
KAʼARUETÉVO ohóvo, Rebeca ojagarra ikambuchi, ohupi ijatiʼy ári ha osẽ oho ogueru hag̃ua y pe pósogui. Haʼe oime vaʼerã ojepokuaáma voi ojapo upéva káda día ani hag̃ua hogayguakuérape ofalta y. Péro og̃uahẽvo ohóvo, ohechakuaa pe póso mátape oĩha unos kuánto extráño ikamellokuéra reheve. Upéicharõ jepe, lomímonte oñemboja pe pósore omyenyhẽ hag̃ua ikambuchi.
Omyenyhẽmba rire ikambuchi, Rebeca ojere oho jey hag̃uáicha hóga ládo. Upéi, umi extráño apytégui, peteĩ karai ijedáva pyaʼe porã osẽ oho hapykuéri ha oñembojávo hendápe heʼi Rebécape: “Emeʼẽmína chéve michĩmi nde y ne kambuchígui hayʼu hag̃ua”. Upepete Rebeca heʼi chupe: “Heyʼu katu che karai”, ha omboguejy chupe la ikambuchi. ¡Ajépa imbaʼeporãite Rebeca! Ojekuaa hese ndahaʼéi hague peteĩ kuñataĩ ikoyguáva. Upéicha rupínte peichaite peve imbaʼeporã hendivekuéra, ndoikuaáirõ jepe mávapa hikuái.
Hiʼarive ndahaʼéi upévante la ojapo vaʼekue. Rebeca heʼi avei pe karaípe onohẽtaha y omboyʼupaite hag̃ua ikamellokuérape. Pe karai opyta ijurujái omañávo Rebécare ha oguerohoryeterei ohechávo mbaʼeichaitépa ombaʼapo ko mitãkuña porãite. Haʼe ou ha oho ogueroja hag̃ua y umi 10 kaméllope g̃uarã. Hiʼarive tuichaicha koʼã animál. Upéi pe karai oporandu Rebécape mávapa itúa ha ikatu vaʼerãpa haʼe ha umi ótro kuimbaʼe opytami hógape upe pyhare. Rebeca ni michĩmi voi ndodudái ha heʼi chupekuéra ikatuha opyta upe pyharépe itúa rógape ha heʼi avei orekoha hymbakuéra rembiʼurã.
Rebeca ndoikuaaiete kuri, péro Jehová voi la oipytyvõva pe karaípe otopa hag̃ua hese. Upe karai ijedáva posívlemente haʼe kuri Eliezer. Unas kuánta semána upe mboyve, Abrahán ojerure kuri chupe oho hag̃ua mombyry oheka hag̃ua Isaácpe hembirekorã. Ko itaʼýrape opytáta kuri opa mbaʼe haʼe orekóva. Abrahán heʼi isiérvope oho hag̃ua oheka iparientekuéra apytépe upe kuñataĩme, pórke haʼekuéra oservi avei Jehovápe. Upévare Eliezer ojerure Jehovápe toipytyvõmi chupe ohechakuaa hag̃ua mávarepa Isaac omenda vaʼerã. Ha opilla hag̃ua upéva heʼi chupe upe mitãkuña taimbaʼeporãmi hendivekuéra. Ha upevaite la Rebeca ojapo vaʼekue, Eliezer ojerure hagueichaite.
Tuichaiterei mbaʼe ningo la Rebeca ojapo vaʼekue imbaʼeporã hag̃ua koʼã extráñondi. Ñanemanduʼa vaʼerã upe épokape la situasión idiferentete hague. Koʼág̃ante la oĩ hetaiterei hénte ‘isalváheva ha ndaijaʼéiva mbaʼeve iporãvare’ (2 Tim. 3:1, 3). Péro upe tiémpope g̃uarã jepe, tuichaiterei mbaʼéma kuri la peichaite peve peteĩ mitãkuña imbaʼeporã unos kuánto extráñondi. Peteĩ ipyʼamirĩva ndojapomoʼãi upéicha, ¿ajépa? Hiʼarive ndahaʼéi upévante la ojapo vaʼekue.
Rebeca og̃uahẽmírente hógape, oikuaáma maʼerãpa ou raʼe mombyryetégui upe kuimbaʼe. Itúa Betuel ha iñermáno Labán heʼi Eliezérpe oguapy hag̃ua osena hendivekuéra. Péro osena mboyve, Eliezer omombeʼupase raẽ chupekuéra maʼerãpa ou. Omombeʼu chupekuéra mbaʼéichapa Jehová ovendesi chupe otopa hag̃ua Rebécare. Upepete Betuel ha Labán ohechakuaa upéva ouha Jehovágui ha heʼi: “Kóva Jehová rembiapo hína”.
Rebeca ohechakuaa Ñandejára oipotaha oho mombyry omenda hag̃ua peteĩ kuimbaʼe ndoikuaáivare. ¿Mbaʼépa haʼe odesidíta?
¿Mbaʼépa ojapóta Rebeca? Abrahán oikuaa kuri upe kuñataĩ Eliezer otopátava ikatuha hína ndohoséi hendive Canaánpe. Rebeca ikatu kuri odesidi ohótapa térãpa nahániri. Opuʼãvo pyharevete, Eliezer ohoséma ha heʼi Rebeca hentekuérape oraháma vaʼerãha avei Rebécape. Péro Rebeca hentekuéra heʼi Eliezérpe oporanduseha raẽ Rebécape mbaʼépa opensa. Oporandúrõ guare chupe ohosépa, ¿mbaʼépa heʼi Rebeca? “Si, ahase”. Haʼe oĩma kuri oheja hag̃uáicha hóga ha ihentekuérape, hiʼarive ndoikuaái kuri ikatu vaʼerãpa ou jey upépe ni ohecha jeýnepa chupekuéra. ¿Mbaʼe la ombopyʼaguasuete vaʼekue Rebécape? Oiméne haʼe ohechakuaáma raʼe avei péva haʼeha la Jehová oipotáva haʼe ojapo.
Oviaha rire unas kuánta semánare kaméllo ári, Rebeca ha umi ohóva hendive og̃uahẽ Abrahán kampaméntope Canaánpe. Upérõ kaʼaruetéma, ha Rebeca ohecha mombyry guive peteĩ kuimbaʼe oguatáva hína pe ñúre ha ojepyʼamongetáva. Oikuaárõ guare upe kuimbaʼe haʼeha Isaac, haʼe ohechauka iñumildeha ha ojagarra omoĩ iñakãre peteĩ pañoléta puku, péicha haʼe ohechauka avei oaseptaha Isaácpe imenarã. Isaac upérõ orekóma 40 áño, ha haʼe vaʼekue peteĩ kuimbaʼe ojepokuaáva opensa ha ojepyʼamongeta. Upérõ ohasáma kuri 3 áño isy omano hague, péro haʼe oñembyasýiti hese. ¿Ipyʼaguasútapa raʼe Rebeca okumpli hag̃ua pe asignasión iñimportantetéva Jehová omeʼẽva chupe? ¿Ohayhu ha oipytyvõtapa raʼe Isaácpe osegi hag̃ua avei omoakã porã hogapy? La Biblia ohechauka upéicha hague, pórke omombeʼúvo mbaʼéichapa Isaac oñeñandu omenda rire Rebécare heʼi: “Haʼe ohayhueterei chupe ha ombohasa chugui pe vyʼaʼỹ orekóva omano haguére isy”.
¿Moõpa oñeñeʼẽ hese la Bíbliape?
¿Mbaʼépa ere chupe?
¿Mbaʼérepa jaʼekuaa Rebeca ipyʼaguasu hague?
Einvestigamína
1. ¿Mbaʼépa operde raʼe Eliezer Abrahán ifamília rire, ha mbaʼére jaʼekuaa haʼe ndaipochýi hague? (Gén. 15:2-4; 24:12; w97 1/1 30 párr. 2-wcgr).
2. ¿Mbaʼérepa Abrahán oipota raʼe Isaac rembirekorã ova Canaánpe, Isaac ova rangue Rebeca vállepe? (w97 1/1 30 párr. 3-wcgr).
3. ¿Mbaʼérepa Eliezer omeʼẽ raʼe umi rregálo Rebécape ha ihentekuérape? (it “Rebeca” párr. 4-wcgr).
4. Emombeʼumína mbaʼéichapa rakaʼe pe viáhe Rebeca ojapo vaʼekue Harán guive, Isaac válle Négueb peve (wp16.3 15 párr. 1). A
www.LifeintheHolyLand.com
Taʼanga A: Heta persóna oiko vaʼekue Néguebpe. Upépe oĩ vaʼekue heta kapiʼi Abrahán rymbakuérape g̃uarã
Ejepyʼamongetamína ndejehe
¿Mbaʼépa Abrahán, Rebeca ha Isaac ndoipotái vaʼekue ifamiliakuéra ojapo? ¿Mbaʼépa ñaaprende upévagui? (Gén. 24:2, 3; 27:46–28:1).
Rebeca iguápa, imbaʼeporã ha opororrespeta vaʼekue. ¿Mbaʼéichapa ermanakuéra ikatu osegi iñehémplo koʼág̃arupi? B
Taʼanga B
¿Mbaʼéichapa ikatu ndepyʼaguasu Rebeca ipyʼaguasu haguéicha?
Ejepyʼamongetamína Jehováre
Alee rire ko rreláto, ¿mbaʼépa aaprendeve Jehovágui?
Alee rire ko rreláto, ¿mbaʼépa aaprendeve Jehová rembipotágui ha pe téma prinsipál orekóvagui la Biblia?
¿Mbaʼépa aporandúne Rebécape Jehová omoingove jey vove chupe?
Reikuaave hag̃ua
¿Mbaʼéichapa Rebeca ohechauka vaʼekue haʼeha peteĩ sy ha tembireko ipyʼaguasúva?
Rebeca: Peteĩ kuña ojeroviáva ha iguápava (w04 15/4 8-11-wcgr).
¿Mbaʼépa mitãnguéra ikatu oaprende Rebécagui?
Umi kualida porã oreko vaʼekue Rebeca (Artíkulo oĩva jw-pe-wcgr).