7 JACOB
Ojapeligra oprotehe hag̃ua ifamiliakuérape
IJEDA rire, Jacob heʼi vaʼekue oiko saʼive hague ituakuéra ypykuégui ha hetáma ohasa asyha (Gén. 47:9). ¡Ha legálmente heta ohasa asy vaʼekue! Imitãvépe iñermáno voi ojukase vaʼekue chupe, upévare okañy hógagui ha osẽ oho mombyry Haránpe. Oĩ aja upépe, Jacob oñenamora vaʼekue Raquel rehe, péro Labán ombotavy chupe ha omomenda raẽ chupe Raquel ermána majór rehe. Upéicha rupi, amo ipahápe Jacob omenda mokõi kuña ndojoguerahaporãivare. Upe rire, heta áñore Labán omombaʼapo Jacóbpe ha oñehaʼã ojaprovecha hese. Upéicharõ jepe, Jacob ohechauka vaʼekue ipyʼaguasu, ojerovia ha iñaguanteha.
Peteĩ vuéltape, Jehová heʼi Jacóbpe og̃uahẽmaha pe tiémpo osẽ hag̃ua Harángui oho jey hag̃ua Canaánpe. Péro upéva ikatu kuri ipeligróso, pórke Labán imbaʼerakateʼỹeterei ha opensa voi entéro mbaʼe Jacob orekóva imbaʼeha. Upémarõ Jacob oñeʼẽ Raquel ha Léandi, ombyaty entéro hogayguápe ha osẽ oho oavisaʼỹre Labánpe. Labán oikuaárõ guare upéva, ombyaty unos kuánto kuimbaʼe ha oho hapykuerikuéra. Labán ohupytýrõ guare Jacob umívape, oñepyrũ ojaʼo vaipaite Jacóbpe. Heʼi voi chupe: “Chéngo ikatu kuri poperhudika”. Péro Jacob ipyʼaguasu ha nokirirĩri chugui. Haʼe heʼi Labánpe hetaiterei áñore itráto vai hague hendive ha noĩporãi hague la ojapóva hese. Upéicharõ jepe, Jacob opyta porãse avei isuégrondi. Upéicha rupi koʼã mokõi kuimbaʼe ojedespedi pyʼaguapýpente.
¿Mbaʼépa oipytyvõ raʼe Jacóbpe oñemoĩ porã jey hag̃ua ihentekuérandi ha oñorairõ hag̃ua peteĩ ánhelndi jepe?
Osolusiona rire ko provléma isuégrondi, Jacob oho vaʼerã ojotopa iñermáno Esaú ndive. Veinte áñorupi upe mboyve, isy heʼi vaʼekue chupe Esaú ojukaseha chupe. Esaú opensa vaʼekue voi Jacob ombotavy hague chupe orresivi hag̃ua itúa vendisión. Péro ohasa rire hetaiterei áño, Jacob oñemoĩ porãse jey iñermánondi. Upéi oñemombeʼu Jacóbpe Esaú ouha 400 kuimbaʼe reheve ojotopa hag̃ua hendive ha ifamiliakuéra ndive. Upépe “Jacob oñemondýi ha oñepyrũ ojepyʼapyeterei”. Upémarõ Jacob omondo púntape unos kuánto kuimbaʼépe oraha hag̃ua heta rregálo Esaúpe. ¿Upévapa ovalétama otrankilisa hag̃ua iñermánope? Jacob ndoikuaái upéva, péro upéi oiko peteĩ mbaʼe nohaʼarõiete vaʼekue.
Upéi upe pyharépe, Jacob ojotopa peteĩ extráñondi. Ko extráño haʼe kuri peteĩ ánhel ha oñepyrũ oñorairõ Jacob ndive. Jacob okalkula kuri ko ánhel ikatuha ovendesi chupe, upévare oñembopyʼaguasu ha oñorairõ hendive órare voi. Upérõ ningo Jacob orekóma 97 áño ha ndaipuʼakamoʼãi voínte pe ánhel rehe. Upéicharõ jepe haʼe ndopoíri chugui, ipy ha ipópe oñehaʼã ipuʼaka hag̃ua hese, hasẽ entéro chupe (Os. 12:4). Jacob oĩ kuri ojapo hag̃uáicha oimeraẽ mbaʼe orresivi hag̃ua Jehová vendisión, pórke chupe g̃uarã upéva tuichaiterei mbaʼe. Heta oñorairõ rire hikuái koʼẽtĩma ohóvo ha upépe pe ánhel opoko Jacob kadérare ha onohẽ chugui ilugárgui. Péro ndahaʼéi upévante la ojapóva pe ánhel, síno heʼi avei chupe upe guive herataha Israel ha upéva oime vaʼerã osorprende raʼe Jacóbpe. Pe téra Israel heʼise “oñorairõva Ñandejárandi” ha upe téra opyta porãiterei Jacob rehe, pórke haʼe ojapo kuri ikatúva guive Jehová ovendesi hag̃ua chupe.
Upéi Jacob ikarẽ karẽ ohóvo ifamiliakuéra rendápe. Mombyry guive ojekuaáma iñermáno Esaú ha umi 400 kuimbaʼe oúva hendive. Upépe Jacob opuntea ihentekuérare, haʼe raẽvete ojotopa hag̃ua iñermánondi. Oñemoag̃uívo ohóvo Esaúre, haʼe oñakãity jey jey siete vése. Esaú katu odipara ohóvo ojotopa hag̃ua Jacob ndive. Haʼe ndoguerúi ni peteĩ árma ijehe. Upéva rangue, og̃uahẽre iñermáno rendápe, ¡oañuã hatã porã chupe! Upépe mokõivéva oñepyrũ hasẽ. Esaú ohechávo umi rregaloita iñermáno omondóva chupe ha mbaʼeichaitépa oñeumilla henondépe, haʼe ndaipochyvéima hendive. Ikatu voi oime ohecharamo raʼe mbaʼeichaitépa Jacob ipyʼaguasu. Péicha Jacob oñemoĩ porã jey iñermánondi.
Omano meve, Jacob osegi vaʼekue ikarẽ olastima haguére ikadéra. Upéi Jacob tekotevẽ jeýta kuri ombohovái heta mbaʼe ijetuʼúva. Péro oime vaʼerã nombyasýi ni michĩmi odesidi haguére iñeʼẽrendutaha Jehovápe ha oñorairõ haguére pe ánhel ndive ovendesi hag̃ua chupe. Heta áño upe rire, oñekumpli kuri pe promésa Jehová ojapo vaʼekue chupe ha Israélgui oiko peteĩ nasión tuicháva (Gén. 28:14). La Bíbliape oñeñeʼẽ jave Jehováre, heta vése oñehenói voi chupe “Jacob Jára” (Éx. 3:6). Ha Jesucristo voi heʼi vaʼekue avei péicha Jehováre. Ha upéva ári heʼi avei Jehová haʼeha “umi persóna oikovéva Jára, ndahaʼéi umi omano vaʼekue Jára” (Luc. 20:37, 38). Upévare jaʼekuaa Jacóbpe ohaʼarõha hína hetaiterei mbaʼe iporãva, pórke Jehovápe g̃uarã haʼe oikove gueteri. ¡Pe múndo pyahúpe haʼe ikatúta oikove vyʼápe hetaiterei áñore!
¿Moõpa oñeñeʼẽ hese la Bíbliape?
¿Mbaʼépa ere chupe?
¿Mbaʼérepa jaʼekuaa Jacob ipyʼaguasu hague?
Einvestigamína
1. Esaú haʼéramo jepe pe taʼýra ypykue, ¿mbaʼérepa Jehová ovendesi Jacóbpe? (w03 15/10 29 párr. 2-wcgr).
2. ¿Mbaʼépa Jacob osoña vaʼekue Jehová rupive, ha mbaʼéichapa oipytyvõ chupe upe osoña vaʼekue? (w03 15/10 28 párr. 3–29 párr. 1-wcgr). A
Taʼanga A
3. ¿Mbaʼérepa Jacob opensa vaʼekue pe ánhel ikatuha ovendesi chupe? (w03 15/10 31 párr. 1-wcgr). B
Taʼanga B
4. ¿Mbaʼépa ojapo vaʼekue Jacob ani hag̃ua umi cananeo oraha vai ifamiliakuérape? (w95 15/9 21 párr. 4 ha nóta-wcgr).
Ejepyʼamongetamína ndejehe
Jacob oñerresponsavilisa vaʼekue káda uno Labán ovechakuérare (Gén. 31:38-40). ¿Mbaʼéichapa umi pastór koʼag̃agua ikatu ohechauka ojepyʼapyetereiha Jehová ovechakuérare? C
Taʼanga C
Jacob oñemboʼe vaʼekue Jehovápe okyhyjérõ guare (Gén. 32:6-12). Relee rire Jacob ñemboʼe, ¿mbaʼe mbaʼépa repensa ikatuha remombeʼu Jehovápe?
¿Mbaʼéichapa ikatu ndepyʼaguasu Jacob ipyʼaguasu haguéicha?
Ejepyʼamongetamína Jehováre
Alee rire ko rreláto, ¿mbaʼépa aaprendeve Jehovágui?
Alee rire ko rreláto, ¿mbaʼépa aaprendeve Jehová rembipotágui ha pe téma prinsipál orekóvagui la Biblia?
¿Mbaʼépa aporandúne Jacóbpe Jehová omoingove jey vove chupe?
Reikuaave hag̃ua
¿Mbaʼéichapa ikatu jasegi Jacob ehémplo jahechakuaáramo ñambopochy hague peteĩ ermánope?
Jasegíkena ñaneñeʼẽrendu Jesúspe (w21.12 25-27 párr. 10-18).
Eipurumína ko istória bíblica ilustráda eñeʼẽ hag̃ua ne familiakuérape Jacob rehe.