Ojeporuvéta Ñandejára Ñeʼẽ!
1. Osẽ ypýrõ guare, mávape g̃uarãpa ojejapo espesialménte La Atalaya, ha mávape g̃uarãpa La Edad de Oro?
1 Pe rrevísta La Edad de Oro osẽ ypy vaʼekue 1 de octubre 1919-pe, ha upe guive tuicha ñanepytyvõ pe predikasión jajapóvape. Mbaʼérepa? Ojejapohaguére espesialménte olee hag̃ua umi tapichakuéra ndoservíriva gueteri Jehovápe. La Atalaya katu ndojejapói upéicha. Ko rrevísta ymaite guivéma ojekuaa ojejapoha espesialménte pe ‘ovecha aty michĩvévape’ g̃uarã (Luc. 12:32). Umi puvlikadorkuéra vyʼápe oñepyrũvaʼekue oiporu pe rrevísta pyahu ha upévare heta áño aja La Edad de Oro hetaiteve isarambi La Atalaya-gui.
2. Mbaʼéichapa héra koʼág̃a La Edad de Oro, ha mbaʼe propósitopa oguereko osẽ ypy guive?
2 Pe rrevísta La Edad de Oro osẽ ohechauka hag̃ua mbaʼépa pe omyatyrõtava umi provlemaita oguerekóva yvyporakuéra: Pe Rréino oisãmbyhýtava Jesucristo mil áño aja. Upéva añetehápe oguerúta peteĩ ‘edad de oro’ yvypórape g̃uarã. Upéi, ohasávo pe tiémpo, pe rrevísta La Edad de Oro-pe ojejapo ohóvo umi kámbio oñekotevẽva oñembopyahuve hag̃ua. Pe áño 1937 guive oñembohéra Consolación, ha 1946 guive katu héra ¡Despertad! Upéicha héra koʼág̃a peve.[2]
3. Mbaʼe profesía oñekumplihápepa tuicha oipytyvõ ¡Despertad!?
3 Osẽ ypy guive pe áño 1919-pe, ko rrevísta tuicha oipytyvõ pe testimónio guasu oñemeʼẽvape (Mat. 24:14). Péro koʼág̃a ko tiémpo jaraháva mbykyetevéma. Upévare ojehecha tekotevẽha ojejapo jey kámbio ñande rrevísta ¡Despertad!-pe.
4. (a) Mbaʼépa ojapovaʼerã peteĩ tapicha ohasa hag̃ua pe “ára Jehová ipochytaha”? (b) Heʼiháicha Revelación 14:6, 7, mbaʼépa pe “ánhel ovevéva yvága mbytére” heʼi enterovépe ojapo hag̃ua?
4 Millones ñande rapichakuéra oleese ¡Despertad! oñeʼẽhaguére heta mbaʼére, ha ojejapohaguére jaleese hag̃uáicha. Haimete enterove ohóva Memoriálpe káda áño, katuete olee ¡Despertad! Upéicharõ jepe, ñaipytyvõvaʼerã entéro umi ohasasévape pe “ára Jehová ipochytaha”, ojapo hag̃ua hikuái umi mbaʼe oñekotevẽva, olee meméramo jepe ñane puvlikasionkuéra (Zac. 2:3; Rev. 14:6, 7).
5. (a) Mbaʼépa ojeporuvéta ¡Despertad!-pe enero 2006 guive? (b) Mbaʼe ojapo hag̃uápa ikatu upéva omomýi hetápe, ha mbaʼe profesíapa oñekumpli?
5 Upévare, enero 2006 guive, pe rrevísta ¡Despertad!-pe oñeñeʼẽvéta Ñandejára Rréinogui. Heʼi porãvéta umi oleéva ko rrevístape ohechavaʼerãha Ñandejára Ñeʼẽme mbaʼéichapa oñemyatyrõta iprovlemakuéra, ha omyesakãvéta mbaʼépa heʼi Ñandejára Ñeʼẽ umi provléma oĩvare. Upéicha umi oleéva ontende porãvéta umi mbaʼe oikóva ha ikatu upéva omomýi chupekuéra oikuaaseve hag̃ua Jehovágui (Zac. 8:23).
6, 7. (a) Mbaʼéichapa ¡Despertad! oñehaʼãta oipytyvõ hetápe ojapo hag̃ua heʼiháicha 1 Tesalonicenses 2:13-pe? (b) Mbaʼéichapa osẽta koʼág̃a ¡Despertad!, ha mboy idiómapepa ohupytýta ko kámbio?
6 ¡Despertad!-pe osẽta gueteri umi téma oñeʼẽva heta mbaʼére, péro koʼág̃a ojeporuvéta Ñandejára Ñeʼẽ (1Tes. 2:13). La Atalaya-pe oñehesaʼỹijo jepi umi téma hasyvéva Ñandejára Ñeʼẽgui ha ¡Despertad! koʼág̃a ogueruvéta umi téma vívliko. Upévare, natekotevẽi koʼág̃a ¡Despertad! osẽ dos vése káda més. Upéva rupi, 1 de enero 2006 guive ¡Despertad! osẽtantema mensualménte. Upéicha saʼivéta avei tembiapo ojejapo, ojetradusi ha oñemondo hag̃ua ñande literatúra.
7 Ko kámbio ohupytýta haimete 40% umi idióma osẽhápe ¡Despertad! Heta idiómape ¡Despertad! osẽma voínte káda més térã káda tres mése. La Atalaya-pe ndaiporimoʼãi ni peteĩ kámbio.
8. Mbaʼéichapa ikatu puvlikadorkuéra oiporu ¡Despertad! La Atalaya ndive?
8 Umi puvlikadór oiporúva ¡Despertad! ikatúta oiporu peteĩ més pukukue pe rrevísta upe méspe guare oikotevẽʼỹre okambia ipresentasión pe més mbytépe, ojapoháicha koʼág̃a.
9. Mbaʼéichapa ¡Despertad! osegíta oporopytyvõ?
9 Osẽ ypy guive 1919-pe ñande rrevísta La Edad de Oro, Consolación ha koʼág̃a ¡Despertad!, tuicha oipytyvõ ko predikasión jajapóvape. Rojerure Jehovápe osegi hag̃ua ovendesi ñane rembiapo ñamosarambi hag̃ua ko rrevísta, umi mbaʼe pyahu oguerekótava reheve, ha osegi hag̃ua ko rrevísta oipytyvõ heta tapichápe “enterove tetã, trívu, táva ha idiomapeguápe” oheka hag̃ua Ñandejára Rréino, ha upévare añoite oguereko hag̃ua esperánsa (Rev. 7:9).