“Mbaʼépa nde ere?”
1. Mbaʼépa ojehu ñandéve sapyʼánte?
1 Remombaʼetereíramo jepe Ñandejára Ñeʼẽ, oiméne sapyʼánte hasy ndéve nemanduʼa porã hag̃ua umi mbaʼe heʼívare térã moõitépa retopáta. Reipotápa ne familiakuéra oikuaa umi mbaʼe iñimportantevéva oĩva Ñandejára Ñeʼẽme ha hetave mbaʼe avei? Pe párte heʼihápe “¿Qué respondería usted?”, osẽva káda més rrevísta ¡Despertad! páhina 31-pe, oipytyvõkuaa umi mitãme ha kakuaápe avei oikuaa porãve hag̃ua Ñandejára Ñeʼẽme oĩva (Hech. 17:11).
2. Emombeʼu mbaʼéichapa ikatu jaiporu pe párte heʼíva “¿Qué respondería usted?”.
2 Mbaʼéichapa ikatu jaiporu porãve ko párte? Pe ¡Despertad! enero 2006-pe guare, péicha ñanemokyreʼỹvaʼekue: “Ñamañamína sapyʼami páhina 31-pe oĩvare [...]. Oĩ párte umi mitãme g̃uarã, ha ótro katu oipytyvõta umi oikuaavémavape la Biblia heʼíva, oñemomanduʼa hag̃ua umi mbaʼe ostudiamavaʼekuére. Pe párte heʼihápe ‘¿Cuándo sucedió?’ ñanepytyvõta jaikuaa hag̃ua arakaʼetépa oikovaʼekue peteĩ mbaʼe, upéicha jaikuaa avei mbaʼe tiémpopepa oikorakaʼe heta Ñandejára siérvo. Umi porandu oĩva pe párte heʼihápe ‘En este número’ oñekontesta rrevístape voi. Ha umi ótro porandu oñekontestapa peteĩ páhinape, ha upéva katuete oñemoĩ ovakãvo. Romokyreʼỹ umi oleévape ko rrevísta ombohovái hag̃ua koʼã porandu. Ikatu voi ohesaʼỹijo raẽ mbykymi ohecha mboyve mbaʼéichapa oñembohovái. Upe rire ikatu oñeʼẽ hapichakuéra ndive koʼã mbaʼe oikuaaramóvare. Ikatu avei jaiporu pe párte heʼíva ‘¿Qué respondería usted?’ ñañemongeta hag̃ua Ñandejára Ñeʼẽre ñane família ha ñande rapichakuéra ndive”.
3. Mbaʼéichapa oipytyvõ heta famíliape pe párte ‘¿Qué respondería usted?’, ha mbaʼe pártepa ndegustave?
3 Heta oĩ oiporúva ko párte ostudia hag̃ua ifamília ndive. Peteĩ sy heʼi: “Chéve ha che ménape ou porãiterei rostudia jave ore família ndive roiporúramo pe párte heʼíva ‘Para los niños’, ikatu hag̃uáicha che memby kuñaʼi orekóva tres áño ikyreʼỹ ha oikuaaseve. Orembovyʼaiterei rohecháramo mbaʼéichapa vyʼa pópe ojagarra irrevísta ha oñepyrũ omaña hese, otopa peve pe ohekáva”. Peteĩ túva Brasilgua heʼi: “Che ha che raʼy orekóva siete áño rovyʼaiterei rrevísta ¡Despertad!-pe osẽhaguére ko párte. Moiséspe oipytyvõ oñatendeve hag̃ua ha oheka hag̃ua umi teýsto vívliko oñemoĩva. Ontende hag̃ua umi taʼangápe ojehechaukáva ha umi fécha oñemoĩva”. Ashley, orekóva ocho áño heʼi: “Aagradeseterei oñemoĩhaguére ¡Despertad!-pe ko párte ‘¿Qué respondería usted?’ Heta mbaʼe aikuaave Ñandejára Ñeʼẽme oĩvagui”.
4. Mbaʼéichapa ikatu jaiporu pe párte “¿Qué respondería usted?” jastudia jave ñane família ndive?
4 Ikatúpa jaiporu avei pe párte “¿Qué respondería usted?” jastudia jave ñane família ndive? Ikatu jaiporu pe Índice térã Watchtower Library CD-ROM, ñambohovái hag̃ua umi porandu hasyvéva. Upéicha avei ñaipytyvõta ñane famíliape ohesaʼỹijokuaa hag̃ua heta téma. Oiméramo rereko ne família tuichavémava, pestudia mboyve oñondivepa ikatu rejerure chupe ohesaʼỹijo ha ombohovái hag̃ua pe párte heʼíva “¿Quién soy?” térã “¿Cuándo sucedió?”. Ha pestudia jave ikatu omombeʼu mbaʼépa ojuhuraʼe. Tuvakuéra oiporu porãramo ko párte, oipytyvõta ifamiliakuérape oikuaa porã hag̃ua imitã guive ‘Ñandejára Ñeʼẽ Marangatu’ heʼíva (2 Tim. 3:15, BNP; Deu. 6:7).