Ikatútapa resẽ ojetopave jave óga jarakuérape?
1. Mbaʼérepa iporã ñasẽ jatopavéta jave óga jarakuérape predikasionhápe?
1 Peteĩ kristiáno añeteguávape ojejerure oho hag̃ua ‘opeska yvypóra’ (Mat. 4:19). Ojapoháicha umi pira oikutúva, ñande avei hetave yvypóra ‘ñanohẽta’ ñasẽramo japredika ikatu jave jatopa hesekuéra. Heta tetãme oñepyrũ koʼág̃a pe ára ipukuve. Kaʼaruete ha pytũmby rupi, hetavépe ikatu jatopa. Oĩ umi opytuʼúva, oĩvéva oñemongeta hag̃uáicha. Ikatúnepa resẽ ojetopave jave óga jarakuérape? (1 Cor. 9:23.)
2. Mbaʼéichapa ikatu jatopa hetavépe japredika jave?
2 Japredika kaʼaruete. Jajepreparáramo ñasẽ hag̃ua kaʼaruete ikatu ñamog̃uahẽ hetavépe pe marandu porã (Pro. 21:5). Mitãrusukuéra ikatu opredika osẽ rire eskuélagui. Oĩ umi ikatúva osẽ ou rire itravahohágui. Pe estúdio de lívro ojejapohágui oñesẽkuaa una óra pe rreunión oñepyrũ mboyve.
3. Moõ moõpa ikatu ojepredika kaʼaruete ha pytũmby rupi nde territóriope?
3 Ñasẽramo japredika kaʼaruete ha pytũmby rupi ikatu jatopa umi ndaipóriva hógape voive, ha ikatu ñañemongeta hendivekuéra. Sapyʼánte opyta porã avei pe kaʼaruete ojepredika hag̃ua kállepe ha ótro henda rupi. Ha heta puvlikadór otopa pe kaʼaruete iporãveha ojapo hag̃ua rrevisíta ha oñepyrũ hag̃ua estúdio vívliko.
4. Mbaʼérepa iñimportánte ñanderechakuaa ñasẽ jave japredika pe pytũmby rupi?
4 Tekotevẽ ñanderechakuaa. Ñañatendevaʼerã ñasẽ jave japredika pe pytũmby rupi. Iporãve japoi pytũmba mboyve, ani hag̃ua ñag̃uahẽ pe ogaha rupi pytũ rire. Oĩ óga jára ikatúva oñeno voise (Fili. 4:5). Reg̃uahẽ vove peteĩ ógape, eñemboʼy pe óga jára nderecha porãtahápe, ha emombeʼu ontende porã hag̃uáicha mávapa nde. Ani rehaʼarõ remombeʼu hag̃ua maʼerãpa reg̃uahẽ. Reg̃uahẽramo óra vaípe, osena mbaʼéramo hikuái, eporandu ikatúpa reju jey ótro día. Nderechakuaavaʼerã (Mat. 7:12).
5. Mbaʼépa ikatu jajapo ani hag̃ua ñaime ipeligrosoha rupi japredika jave?
5 Jaikuaavaʼerã avei ikatuha ipeligróso. Pytũramo ohóvo japredika aja, térã pytũ rire, iporãve jaguata mokõi mokõi, térã peteĩ atýpe. Peguata umi kálle ojehesape porãha rupi, ha peñehaʼã ani peneaño. Pepredikavaʼerã peñeñandu porãhápente. Ani peike pytũ rire ipeligrosohápe (Pro. 22:3).
6. Mbaʼe mbaʼe iporãvapa ikatu jahupyty ñasẽramo japredika kaʼaruete?
6 Ñasẽramo japredika kaʼaruete ikatu ñamog̃uahẽ pe marandu porã hetave tapichápe. Ikatu avei ñambaʼapo umi precursor auxiliar ha regular ndive (Rom. 1:12). Ikatúpa nde avei resẽ repredika kaʼaruete?