“Peagradesekuaákena”
1 Jesús omongueravaʼekue diez tapicha ilépravape, péro peteĩnte oagradese chupe. Upévare Jesús oporandu: ‘Ndokuerái piko raʼe umi diez? Ha umi nueve piko moõ oime?’ (Luc. 17:11-19, BNP). Kóva ohechauka ñandéve iñimportanteha jaagradese ‘opa mbaʼe porã ha hekopeguáva’ omeʼẽva ñandéve ñande Ru ñanderayhuetéva oĩva yvágape (Col. 3:15; Sant. 1:17).
2 Mbaʼe mbaʼérepa jaagradesevaʼerã? Jesucristo omanohaguére ñanderehehápe. Upéva ningo peteĩ jopói iporãitereíva yvyporakuérape g̃uarã (Juan 3:16). Jaagradesevaʼerã avei ikatuhaguére ñañemoag̃ui Jehováre (Juan 6:44); ha ñamombaʼeguasuhaguére oñondivepa Ñandejárape (Sal. 133:1-3), ha hetave mbaʼe ikatu jaʼe. Naiporãietétaningo ñandedesagradesídoramo umi isrraelitakuéraicha. Haʼekuéra hesaraivaʼekue umi mbaʼe Jehová ojapovaʼekuégui hesekuéra (Sal. 106:12, 13).
3 Jaagradesékena. Mboy leprósopa omombaʼéraʼe ojejapovaʼekue hesekuéra? Enterovénte ningo oiméne omombaʼéraʼe, péro peteĩnte oagradesékuri (Luc. 17:15). Koʼág̃a ningo ñande japredika meme rupi ikatu jahechauka Jehovápe jaagradeseha chupe. Jaagradeséramo ñande pyʼaite guive ñande Ru yvágape oĩvape, ñañehaʼãta japorohayhu ha ñanembaʼeporã haʼéicha. Ha umíva jajapóta ñañeʼẽramo ñande rapichakuérape hese (Luc. 6:45). Ñamombeʼukuaáningo chupekuéra umi mbaʼe porãita Ñandejára ojapovaʼekue ha mbaʼéichapa imbaʼeporã ñanendive. Upéicharõ, jaagradeseve ha jahayhuvétantema chupe (Sal. 40:5).
4 Ñaipytyvõkena ñande rapichápe oagradesekuaa hag̃ua. Jahechavaʼerã ikatu haguéicha ñaipytyvõ ñane família ha ñane estudiantekuérape oagradesekuaa hag̃ua avei. Tuvakuéra ikatu omboʼe ifamíliape upéva ohecha jave hikuái Jehová rembiapokue (Rom. 1:20). Jastudia jave ñane estudiánte ndive la Biblia ikatu ñaporandu chupe: “Mbaʼépa ohechauka ñandéve koʼã mbaʼe Jehovágui?”. Péicha ohayhuvéta Jehovápe ha ombopyʼarorýta avei chupe.
5 Koʼã ára pahápe ningo oĩ heta idesagradesídova ha nomombaʼéiva umi mbaʼe orekóva (2 Tim. 3:1, 2). Ovyʼaitenepahína Jehová ohechávo hembiguaikuéra opredika kyreʼỹha oagradeségui chupe opa mbaʼére! (Sant 1:22-25.)