Mokõi monedaʼi saʼieterei ovaléva

Ñameʼẽ jave ñane kontrivusión oho porã hag̃ua ñane rembiapo predikasiónpe jahechaukañaína ñamombaʼeha Ñandejára Rréino. Péro, ¿mbaʼépa jajapóta ñanemboriahúramo?

Peteĩ jey, Jesús ohechavaʼekue peteĩ viúda mboriahumi oityha mokõi monedaʼi saʼieterei ovaléva pe káha de kontrivusiónpe oĩva témplope. Haʼe ningo ohayhúgui Jehovápe “oikotevẽramo jepe, omeʼẽmbaite orekomíva” (Mar. 12:41-44, NM). Jesús ohecharamoiterei pe viúda ojapovaʼekue, ha péicha jahechakuaa Jehová omombaʼeha avei upéva. Umi kristiáno síglo primeropegua oheja avei ñandéve ehémplo porã, ijapytepekuéra oĩvaʼekue ipláta ha imboriahúva, upéicharõ jepe haʼekuéra omombaʼeterei ikatúgui omeʼẽ ikontrivusión. Apóstol Pablo imanduʼávo umi ermáno Macedoniayguáre heʼi hesekuéra ‘imboriahuvéramo jepe, ojerure asy ojehejamínte hag̃ua chupekuéra’ omeʼẽ hag̃ua ikontrivusión (2 Cor. 8:1-4, BNP).

Upévare, ñameʼẽramo jepe mokõi monedaʼi ñanemanduʼavaʼerã oñembojeheʼávo ñane ermanokuéra omeʼẽvare mbeguekatúpe hetamaha ohóvo. Jahecháma haguéicha Ñandejára ‘ohayhu umi omeʼẽvape ipyʼaite guive’, ha jajapóramo upéicha katuete ñambovyʼáta chupe (2 Cor. 9:7).