Jaipuru memékena Ñandejára Ñeʼẽ predikasiónpe

Oĩ jave ñanerendu porãva predikasiónpe, ñañehaʼãmbaite jepi jaaprovecha upe oportunidad jalee hag̃ua chupe peteĩ téxto. ¿Mbaʼérepa? Jaikuaágui Ñandejára Ñeʼẽ ipoderosoitereiha. Pe áño ohasa vaʼekuépe, ñande aty guasu un diaguápe, pe superintendénte de sirkuíto ojapo kuri peteĩ diskúrso hérava “Jaipuru memékena Ñandejára Ñeʼẽ predikasiónpe”. Ko diskúrsope ojehechauka porã kuri mbaʼérepa jaipuru vaʼerã la Biblia predikasiónpe. Jahechami jeýna umi mbaʼe ñaaprende vaʼekue.

• ¿Mbaʼérepa Ñandejára Ñeʼẽ ipoderosoiteve ñande jaʼévagui? (2 Tim. 3:16, 17.)

• ¿Mbaʼérepa jaʼe Ñandejára Ñeʼẽ ikatuha omoldea umi mbaʼe ñañandúva, ñapensáva ha ñanepytyvõha ñakambia hag̃ua ñande lája? (Ehecha Ñemañaha 15 de junio de 2012, páhina 27, párrafo 7.)

• Jaleévo peteĩ téxto predikasiónpe, ¿mbaʼéichapa ikatu ñaipytyvõ ñande rapichakuérape omombaʼe hag̃ua la Biblia? (Ehecha lívro Eñembokatupyrýke, páhina 148, párrafo 4 ha 5, ha Ñane Marandu Porã marzo 2013, páhina 6, párrafo 8.)

• Jalee jave peteĩ téxto vívliko, ¿mbaʼérepa iñimportánte jaexplika upe téxto ñamopensa hag̃uáicha pe persónape? ¿Mbaʼéichapa ikatu jajapo upéva? (Hech. 17:2, 3; ehecha lívro Eñembokatupyrýke, páhina 154, párrafo 4 guive páhina 156, párrafo 4 peve.)