Pe gérra oikóva Ucrániape: ¿Mbaʼépa ojapo umi rrelihión ha mbaʼépa heʼi la Biblia?

Jahechamína mbaʼépa ojapo unos kuánto líder rrelihióso ohechávo la oikóva hína Ucrániape:

• “Pe patriarca Kirill, pe omoakãva pe Iglésia ortodoxa Rusiapegua, ndeʼíri ivaiha la Rusia ojapóva hína [...]. Umi ijiglesiapegua omosarambi notísia japu oheja vai hag̃ua Ucrániape. Putin oipuru koʼã mbaʼe heʼi hag̃ua oĩ porãha hína la ojapóva Ucrániare” (EUobserver, 7 de marzo de 2022).

• “Pe patriarca Kirill [...] odefende mbarete voi la hetã ojapóva hína Ucrániape, ha heʼi ko gérra ojejapoha ojelucha hag̃ua pe pekádo kóntrape” (AP News, 8 de marzo de 2022).

• “Pe omoakãva pe Iglésia ortodoxa Ucraniapegua (pe metropolitano Epifanio Primero de Kiev), ovendesi kuri unos kuánto persónape oho mboyve ‘oñorairõ umi rúsondi oike haguére Ucrániape’. Haʼe heʼi avei ndahaʼeiha pekádo la jajuka peteĩ soldádo rúsope” (Jerusalem Post, 16 de marzo de 2022).

• “Ore roapoja pe Fuerzas Armadas de Ucrániape ha entéro umi oredefendévape, rovendesi umi mbaʼe ojapóva hikuái oredefende hag̃ua ore kontrariokuéragui, ha roñemboʼe hesekuéra” (Péicha heʼi pe Consejo de Iglesias y Organizaciones Religiosas de Ucrania,a 24 de febrero de 2022).

¿Mbaʼépa nde repensa? ¿Umi heʼíva ijehe ojapoha la Jesús heʼíva piko omokyreʼỹ vaʼerã irrelihionguápe oho hag̃ua gerrahápe? ¿Mbaʼépa heʼi la Biblia?

¿Mbaʼépa ojapo jepi umi rrelihión oiko jave peteĩ gérra?

Ymaite guive, umi rrelihión heʼi ombaʼapoha omoĩ hag̃ua pyʼaguapy. Upéicharõ jepe haʼekuéra heʼi ikatuha jaha gerrahápe, iporãha jajapo upéva ha tekotevẽha voi katu. Péro umi testígo de Jehová hetaiterei áñorema omombeʼu la héntepe mbaʼeichaitépa hovamokõi umi rrelihión. Ore puvlikasionkuérape ojeʼe péicha, por ehémplo:

• Pe artíkulo hérava “Las cruzadas: ‘trágica ilusión’” ohechauka mbaʼéichapa pe Iglésia católica romana káusare hetaiterei héntepe ojejuka Ñandejára ha Cristo rérape.

• Pe artíkulo hérava “La Iglésia Católica y África” ohechauka mbaʼéichapa umi rrelihión ndojokói la héntepe ani hag̃ua ojojukapa.

• Umi artíkulo hérava “¿Tiene la culpa la religión?”, “El papel de la religión en las guerras” ha “La religión toma partido”, ohechauka porã mbaʼéichapa pe Iglésia católica, ortodoxa ha protestante oapoja umi mokõi vándo oñorairõvape oñondive.

¿Umi kristiáno piko oapoja vaʼerã umi gérra?

Mbaʼe omboʼe vaʼekue Jesús: “Rehayhu vaʼerã nde rapichápe nde voi rejehayhuháicha” (Mateo 22:39). “Pesegi vaʼerã pehayhu pene enemigokuérape” (Mateo 5:44-47).

Mbaʼe heʼi vaʼekue Jesús: “Che Rréino ndahaʼéi ko mundopegua. Che Rréino haʼérire ko mundopegua, che disipulokuéra oñorairõta kuri ani hag̃ua umi judío chejagarra” (Juan 18:36). “Entéro umi oipurúva pe espáda hapicha kóntrape, ojejukáta espádape” (Mateo 26:47-52).

Epensamína: Umi kristiáno yma guare ndohóiramo oñorairõ ni odefende hag̃ua Jesúspe, ¿ikatúpa upéicharõ oho oñorairõ odefende hag̃ua ótra kósa? Eleemína pe artíkulo “El cristianismo y la guerra: ¿son compatibles?”, ehecha hag̃ua hag̃ua mbaʼéichapa umi kristiáno yma guare ojapo vaʼekue la Jesús omandáva.

¿Mbaʼépa oikóta umi rrelihión oapojávagui la gérra?

La Biblia ohechauka porã Ñandejára orrechasaha umi rrelihión heʼívape guaʼu orrepresentaha Jesúspe péro ndojapóiva la haʼe heʼíva (Mateo 7:21-23; Tito 1:16).

• Pe lívro de Apocalipsis omombeʼu mbaʼépa opensa Ñandejára koʼãichagua rrelihiónre. Chupe g̃uarã haʼekuéra oreko la kúlpa oĩ haguére hetaite ‘ojejukáva ko yvy ape ári’ (Apocalipsis 18:21, 24). Reikuaaséramo mbaʼérepa, eleemína pe artíkulo hérava “¿Qué es Babilonia la Grande?”.

• Mateo 7:15-20-pe Jesús heʼi vaʼekue entéro yvyramáta hasýva ha hiʼa vaíva ‘ojeityha ha ojepoiha tatápe’. Heʼívo péicha, Jesús ontendeka vaʼekue entéro rrelihión ojapóva ivaíva oñehundipataha. Eleemína pe artíkulo “¡Se acerca el fin de la religión falsa!”, reikuaa hag̃ua mbaʼeichaitépa oikóta upéva.

Photo credits, left to right: Photo by Sefa Karacan/Anadolu Agency/Getty Images; Maxym Marusenko/NurPhoto via Getty Images