Umi mbaʼasy: ¿Mbaʼépa ojapóta Ñandejára Rréino?

“Pe COVID-19 koʼág̃a ndahaʼevéima peteĩ emerhénsia mundiál, péro upéva ndeʼiséi ndaipeligrosoveimaha. [...] Jaikuaa porã oĩ jeytaha algúna pandémia amo gotyove, ha ñaiméma vaʼerã preparádo upearã” (Dr. Tedros Adhanom Ghebreyesus, direktór henerál pe Organización Mundial de la Saludpegua, 22 de mayo de 2023).

Hetaiterei persóna koʼag̃aite peve osufri pe pandémia káusare, tahaʼe hasykatu rupi térã oreko haguére algún provléma emosionál. ¿Oĩma piko preparádo pe goviérno térã umi organisasión oñangarekóva ñande salúre? ¿Ikatútapa ñanepytyvõ hikuái oúrõ g̃uarã ótra pandémia?

La Biblia omombeʼu oĩha peteĩ goviérno ikatútava oñangareko porã ñande salúre. Heʼi ‘Ñandejára omoĩtaha peteĩ rréino’ térã goviérno (Daniel 2:44). Upe goviérno poguýpe avave “ndeʼimoʼãvéima: ‘Cherasy hína’” (Isaías 33:24). Enterovénte ñaneresãita ha ñanembaretéta umi imitãvaicha (Job 33:25).