¡PEÑATENDE PORÃKENA!
Oĩma 6 millón omanóva COVID káusare: ¿Mbaʼépa heʼi la Biblia?
Según pe Organización Mundial de la Salud, el 23 de mayo de 2022-pe g̃uarã omanóma 6.270.000 persóna pe COVID-19 káusare. Péro anteve omeʼẽ kuri hikuái ótro infórme. El 5 de mayo de 2022 heʼi kuri hetaiteve oĩha la omanóva pe pandémia káusare, amo 14.900.000 persónarupi, tahaʼe direktoite hasy rupi pe Cóvidgui térã oafektágui chupekuéra de algúna fórma. ¿Mbaʼépa heʼi la Biblia koʼã desgrásia tuichaitévare?
La Biblia heʼíma vaʼekue voi oikotaha umi pandémia
Jesús heʼíma vaʼekue voi oĩtaha “opaichagua mbaʼasy”, ha umíva apytépe “péste” térã epidémia, ha koʼã mbaʼe oikotaha peteĩ tiémpo oñehenóivape “umi ára paha” (Lucas 21:11; 2 Timoteo 3:1).
Umi mbaʼe Jesús heʼi vaʼekue oñekumpli hína koʼág̃a. Ehekamína ko artíkulo eikuaave hag̃ua ko témagui: “¿Cuál es la señal de los ‘últimos días’ o ‘los tiempos finales’?”.
La Biblia ñanekonsola
‘Ñandejára omeʼẽva konsuélo ñanekonsola jahasa jave opaichagua provlémare’ (2 Corintios 1:3, 4).
La Biblia okonsoláma hetaiterei persóna oĩvape de duélo. Ehekamína koʼã artíkulo eikuaave hag̃ua koʼa témagui: “Cómo sobrellevar el duelo: Sugerencias prácticas”, ha “La mejor ayuda para quienes están de duelo”.
La Biblia heʼi ñandéve mbaʼéichapa oñesolusionáta koʼã provléma
“Tou ne Rréino, tojejapo ne volunta ko yvy ape ári ojejapoháicha yvágape” (Mateo 6:10).
Koʼẽrõitéma “Ñandejára Rréino” rupive “ni peteĩ oikóva ko yvy ape ári ndeʼimoʼãvéima: ‘Cherasy hína’” (Marcos 1:14, 15; Isaías 33:24). Ehechamína pe vidéo hérava ¿Mbaʼépa hína Ñandejára Rréino?, péicha reikuaáta hetave mbaʼe ko goviérnogui ha umi mbaʼe ojapótava ñanderehehápe.
Roipotaite ningo nde ha ne família peaprendeve la Biblia omboʼéva ikatu hag̃uáicha peikuaa umi konsého neporãva ha umi promésa ijojahaʼỹva.