¿Mávapa osalváta umi hénte inoséntepe? ¿Mbaʼépa heʼi la Biblia?

Peteĩ infórme omeʼẽva pe Naciones Unidas heʼi:

• Pe 7 de octubre guive 23 de octubre de 2023 peve, pe gérra oñorairõhápe Gaza ha Israel hetaiterei persónapema ojejuka, mas de 6.400 ha avei 15.200 opyta erído. La majoría umíva apytépe ndahaʼéi ohóva gerrahápe, síno umi hénte inosénte. Avei hetaiterei oĩ ohejámante vaʼerã hóga pe gérra káusare.

• Ucrániape, el 24 de septiembre de 2023 peve, ojejukáma 9.701 persóna inoséntepe ha 17.748 opyta erído pe gérra de Rusia ha Ucrania káusare.

¿Mbaʼe esperánsapa omeʼẽ la Biblia umi osufrívape pe gérra káusare?

¿Mbaʼe esperánsapa oĩ?

La Biblia omombeʼu Ñandejára oprometeha ‘ndaiporimoʼãveimaha ni peteĩ gérra ko yvy ape ári’ (Salmo 46:9). Upearã haʼe oipurúta Irréino, térã peteĩ goviérno oĩva yvágape, opytátava umi goviérno umáno rekovia (Daniel 2:44). Ñandejára Rréino mediánte añoite jaikóta trankílo porã ha japytuʼuetéta koʼã mbaʼégui.

Jahechamína mbaʼépa ojapóta Jesucristo, pe Rréi Ñandejára Rreinopegua:

• “Umi imboriahúva ningo ojerure asy ajúda, ha haʼe katuete osalváta chupekuéra. Avei oipytyvõta umi iñumíldevape ha umi ndorekóivape avave odefende vaʼerã chupekuéra. Haʼe oiporiahuverekóta umi hénte umíldepe ha umi imboriahúvape, ha katuete osalváta chupekuéra. Heta hénte osufri umi governánte iñañáva poguýpe, péro pe rréi osalváta chupekuéra” (Salmo 72:12-14).

Ñandejára Rréino rupive ndaiporimoʼãvéima ohasa asýva pe gérra ha umi ivioléntova káusare.

• “Ñandejára omokãmbaitéta umi hénte resay, ha ndaiporimoʼãvéima omanóva, oñelamentáva, hasẽva ni hasýva. Umi mbaʼe oiko vaʼekue yma opáma” (Apocalipsis 21:4).

Koʼẽrõitéma Ñandejára Rréino oguerúta tuicha kámbio ko yvy ape ári. Koʼág̃a jahecha oñekumpliha Mateo 24:6 heʼíva: “Peẽ pehendúta oikoha gérra heta hendárupi”. Koʼãva ha hetave mbaʼe ohechauka ñandéve ñaimemaha “umi ára pahápe” ha opa potaitemaha umi goviérno umáno (2 Timoteo 3:1).