Hetaitereive oĩ oñeñandúva haʼeño. ¿Mbaʼépa heʼi la Biblia?

Peteĩ enkuésta ojejapo ramoitévape ko múndo tuichakuére, ohechauka 4 persóna apytégui peteĩva oñeñanduha haʼeño.a

• “Oĩ hetaiterei hénte oikóva haʼeñoite ha ndorekóiva tráto avavéndi, ha umíva apytépe oĩ imitãva, ijedáva, ha opaichagua lugárgui” (Chido Mpemba, vicepresidente de la Comisión de la Organización Mundial de la Salud sobre Conexión Social).

Heta oĩ opensáva umi oikóva haʼeño térã umi ijedávante oñeñanduha haʼeño, péro legálmente ndahaʼeiete upéicha. Umi imitãva, hesãiva, oiko porãva, ha omendáva jepe ikatu avei oñeñandu upéicha. Umi oñemohaʼeñóva ha oñeñandúva haʼeñoite, ikatu voi ou hasy ha oreko algún provléma emosionál.

• Peteĩ doktór heʼi voi: “Ndahaʼeiete sonséra la ohasáva umi oñeñandúva haʼeño, ndahaʼéi ojehasátava chuguikuéra ensegída”. Upéi heʼive: “Peteĩ persóna opitáva 15 sigarríllo por día tuicha ojeperhudika ha ikatu voi omano upéva káusare, upeichaite avei ikatu hína oiko peteĩ persóna oñemohaʼeñóvare térã ndorekóivare amígo” (Doktór Vivek Murthy, Estados Unidos siruháno henerál).

Mbaʼépa heʼi la Biblia

Ñande Apohare ndoipotái ñañemohaʼeño. Ñandejára ñandeapo javyʼa hag̃uáicha ha oipota jadisfruta ñane amigokuérandi.

• Téxto bíblico: ‘Ñandejára heʼi: “Naiporãi pe kuimbaʼe oiko haʼeño”’ (Génesis 2:18).

Ñandejára oipota oiko ñandehegui iñamígo. Haʼe opromete oñemoag̃uitaha ñanderehe ñande voi ñañehaʼãramo ñañemoag̃ui hese (Santiago 4:8).

• Téxto bíblico: “Ovyʼa umi ohechakuaáva oikotevẽha Ñandejárare, pórke chupekuéra oñemeʼẽta pe Rréino yvagapegua” (Mateo 5:3).

Ñandejára oipota ñañomoirũ jaadora hag̃ua chupe. Jajapóramo upéicha ñañeñandu porãvéta ha javyʼavéta.

• Téxto bíblico: “Ñañeinteresákena ojuehe ñande pyʼaite guive, ha ñañomokyreʼỹ japorohayhu hag̃ua ha jajapo hag̃ua iporãva. [...] Ñañomokyreʼỹ vaʼerã” (Hebreos 10:24, 25).

Reikuaave hag̃ua mbaʼérepa iñimportánte ñañehaʼã pono ñañeñandu ñaneaño, elee pe artíkulo hérava “Soledad en la era de la comunicación.”