Ani hag̃ua eñeñandu neaño, ekonsegi ne amigorã. ¿Mbaʼéichapa la Biblia ikatu nepytyvõ?

Umi doktór ohechakuaa áño 2023-pe hetaiteve oĩha oñeñandúva haʼeño ha upéva haʼeha peteĩ provléma tuicháva, tekotevẽva oñesolusiona. Péro, ¿ikatúne piko ojehupyty upéva?

• “Ñañeñandu jave ñaneaño ha ñañemomombyry umi ótrogui, ikatu hína tuicha operhudika ñande salu ha ndajavyʼavéi. Péro oĩ peteĩ mbaʼe ikatúva jajapo: káda día michĩ mimi jepe ikatu ñamombarete jahávo ñane amista umi ótrondi” (Vivek Murthy, director general de Salud Pública de Estados Unidos).a

Oĩ opensáva umi oñemohaʼeñóvante oñeñanduha haʼeño, péro legálmente ndaupéichai. Sapyʼánte ikatu ñaĩ heta hénte apytépe ha lomímonte ñañeñandu upéicha. Péro tahaʼe haʼéva la rrasón, la Biblia ikatu ñanepytyvõ. Upépe jatopáta heta konsého ñanepytyvõtava ñamombarete hag̃ua ñane amista umi ótrondi ha anivéma hag̃ua ñañeñandu ñaneaño.

Konsého bíblico ikatúva ñanepytyvõ

Eñemongetakuaa vaʼerã. Upéva heʼise ndahaʼeiha ndénte la remombeʼu vaʼerã mbaʼéichapa eñeñandu, síno ehendukuaa vaʼerã avei umi ótrope. Amáske rehechauka reñeinteresaha ne amígore, koʼýte imbaretevéta pene amista.

• Konsého bíblico: “Ani pejepyʼapy umi mbaʼe peẽme okonvenívarente, síno pejepyʼapy vaʼerã avei umi ótrore” (Filipenses 2:4).

Eñehaʼã neamígo hetave. Ikatu eheka ne amigorã umi persóna ijedavéva o imitãvéva ndehegui, orekóva ótra kultúra térã haʼéva ótro paisgua.

• Konsého bíblico: “Peavrive vaʼerã pene korasõ” (2 Corintios 6:13, nóta).

Reikuaasevéramo mbaʼéichapa ikatu remombarete ne amista umi ótrondi, elee pe artíkulo hérava “Cómo saciar la sed de amistad”.