¿Mávarepa ikatu rejerovia? ¿Mbaʼépa heʼi la Biblia?

La hénte orrenega ohecha jave umi hénte haʼéva supuéstamente de konfiánsa ofallaha, por ehémplo:

• Umi polítiko ojepyʼapyvéva ijehe, ojepyʼapy rangue ótrore.

• Umi notísia noñemombeʼuporãiva ofavorese hag̃ua algúnope ha operhudika hag̃ua ótrope.

• Umi sientífiko ndojapóiva iporãva la hénte rehehápe.

• Umi líder rrelihióso oñentremetéva polítikare, oñehaʼã rangue ojapo ha omboʼe Ñandejára oipotáva.

Añetehápe, ñañatende vaʼerã mávarepa jajerovia. La Biblia heʼi voi:

• “Ani pejerovia umi governánte rehe, ni ótro kuimbaʼére, pórke koʼã persóna ndaikatúi ñandesalva” (Salmo 146:3).

Peteĩ persóna ikatúvare rejerovia

La Biblia ohechauka oĩha peteĩ persóna ikatúvare rejerovia, upéva hína Jesucristo. Haʼe ningo ndahaʼéi peteĩ kuimbaʼe ivuénovante. La Biblia heʼi voi Jesúsre: “Haʼe ogovernáta [...] opa ára g̃uarã, ha Irréino núnka ndopamoʼãi” (Lucas 1:32, 33). Upéicharõ, Ñandejára voi onombra chupe Rréi ogoverna hag̃ua Irréinope, ha koʼág̃a ogovernáma yvága guive (Mateo 6:10).

• Reikuaa hag̃ua mbaʼérepa ikatu ejerovia Jesúsre, elee koʼã artíkulo “¿Mávapa ogovernáta Ñandejára Rréinope?” ha “¿Mbaʼe mbaʼépa ojapóta Ñandejára Rréino?”.