¡PEÑATENDE PORÃKENA!
¿Mbaʼépa ikatu ejapo evyʼa hag̃ua ndereikuaáiramo jepe la oikótava? ¿Mbaʼépa heʼi la Biblia?
Koʼã tiémpope pyaʼeterei okambia la situasión ha ndaikatúi ñakontrolapa umi mbaʼe oikótava ñane renonderãme. Upéicharamo jepe, javyʼa hag̃ua nodependéi heta vése la jahasávare, síno ñambohovái lájare pe situasión. La Biblia heʼi ‘pe ipyʼarorýva odisfrutaha káda día ha ovyʼaha’ ombohováiramo jepe umi situasión ijetuʼúva (Proverbios 15:15). ¿Mbaʼépa ikatu ejapo evyʼave hag̃ua? Epensamína mbaʼéichapa ikatu nepytyvõ koʼã konsého oĩva la Bíbliape.
Mbaʼépa ikatu nepytyvõ pono ejepyʼapyeterei
La Biblia heʼi: “Peteĩ persóna ojepyʼapyetereíramo ou oñedeprimi, péro remokyreʼỹramo chupe hetiaʼe jeýta” (Proverbios 12:25).
La Biblia ikatu nepytyvõ pono ejepyʼapyeterei. Reikuaa hag̃ua mbaʼéichapa, elee pe artíkulo hérava “¿Qué dice la Biblia sobre la ansiedad?”.
Mbaʼépa ikatu nepytyvõ pono eñeñandu neaño
La Biblia heʼi: “Peteĩ amígo verdadéro nderayhúta tódo el tiémpo, haʼe ningo ne ermáno oĩva nde ykére rehasa asy jave” (Proverbios 17:17).
La Biblia oreko heta konsého nepytyvõtava ani hag̃ua eñeñandu neaño. Elee pe artíkulo hérava “Ani hag̃ua eñeñandu neaño, ekonsegi ne amigorã. ¿Mbaʼéichapa la Biblia ikatu nepytyvõ?”.
Ehayhu Ñandejárape ha nde rapichakuérape
La Biblia heʼi: “Rehayhu vaʼerã Jehová nde Járape nde pyʼaite guive, nde rekove kompletoite reheve, ha entéro ne pensamiénto reheve. [...] Rehayhu vaʼerã nde rapichápe nde voi rejehayhuháicha”a (Mateo 22:37-39).
Pe ñemboʼe ikatu nepytyvõ ehayhuve hag̃ua Ñandejárape. Eikuaave hag̃ua, elee pe artíkulo hérava “¿Ohendúpa Ñandejára ñane ñemboʼe?”.
Ñande jahechauka jahayhuha umi ótrope jasegívo pe Rrégla de Óro. Eikuaave hag̃ua, elee pe artíkulo hérava “¿Qué es la Regla de Oro?”.
Eikuaasevéramo mbaʼéichapa la Biblia ikatu nepytyvõ evyʼa hag̃ua ndereikuaáiramo jepe la oikótava ne renonderãme, romokyreʼỹ etantea hag̃ua ore kúrso bíblico gratiete.
a La Biblia ohechauka Ñandejára heraha Jehová (Salmo 83:18).