¿Ojeroviápa Jesús rehe umi testígo de Jehová?

Si. Jesús voi heʼi vaʼekue: “Che hína pe tape, pe añetegua, ha pe jeikove. Che rupive añoite ikatu oñeg̃uahẽ pe Túva rendápe” (Juan 14:6). Ore roikuaa porã Jesús ou hague ko yvy ape ári omano hag̃ua opavave rehehápe (Mateo 20:28). Omano ha oikove jey rupi hetaiterei ojeroviáva hese ikatu oiko opa ára g̃uarã (Juan 3:16). Avei roguerovia Jesús ogovernamaha Ñandejára Rréino yvagapeguápe, ha koʼẽrõitéma jaikotaha pyʼaguapýpe (Revelación [Apocalipsis] 11:15). Jesús heʼi vaʼekue avei: “Pe Túva tuichave [...] chehegui” (Juan 14:28). Upévare ore roʼe Jesús ndahaʼeiha Ñandejára Ipuʼakapáva ha noromombaʼeguasúi chupe.