Ñamoñepyrũkena peteĩ estúdio octúbrepe!
1. Mbaʼépa ñaikuaveʼẽta octúbrepe?
1 Octúbrepe ñaikuaveʼẽta rrevísta Ñemañaha ha ¡Despertad! Oiméramo pe ogajára ñanerendu porã, jaha jeývo hendápe ikatu jagueraha pe tratádo Ndépa reñeporandúmava koʼã mbaʼe? ñamoñepyrũ hag̃ua peteĩ estúdio. Jahechamína mbaʼéichapa jajapokuaa upéva.
2. Javisita jeývo umi rrevísta ohejavaʼekuépe, mbaʼéichapa ikatu jaiporu pe tratádo Reñeporandúmavapa ñamoñepyrũ hag̃ua peteĩ estúdio?
2 Mbaʼéichapa reiporukuaa pe tratádo. Ikatu ere: “Umi rrevísta ahejavaʼekue ndéve ohechauka iñimportantetereiha ñaaprende la Biblia omboʼéva. [Emeʼẽ chupe pe tratádo Reñeporandúmavapa ha ehechauka umi porandu oĩva ijapére.] La Biblia ombohovái koʼã porandu. Mbaʼépa reikuaaseve koʼã mbaʼégui?”. Ejapysaka hese ombohovái jave, elee hendive upe párte ha eheka peteĩ téysto oĩva upépe. Emyesakã la Biblia omboʼeha hetaitereive mbaʼe ha emeʼẽ chupe lívro Mbaʼépa omboʼe la Biblia? Upe rire ikatu reiporavo mbaʼépa rejapóta. Pór ehémplo rehechaukakuaa chupe páhina 2, ejerure toiporavo peteĩ kapítulo ha ehesaʼỹijo hendive umi párrafo oĩva iñepyrũme. Térã ikatu rehekave informasión pe lívrope oñeʼẽva upe téma peñemongetávare. Upearã nepytyvõta koʼã rreferénsia:
● Ojepyʼapýpa Ñandejára ñanderehe? (páh. 9-11 párr. 6-10)
● Opánepa ñorairõ ha jehasa asy? (páh. 12 párr. 12, 13)
● Mbaʼépa oiko ñandehegui ñamano rire? (páh. 59, 60 párr. 7, 8)
● Ikatúnepa jahecha jey umi jahayhúva omanovaʼekuépe? (páh. 71 párr. 13-15)
● Mbaʼeichagua ñemboʼépa ohendu Ñandejára? (páh. 166, 167 párr. 5-8)
● Mbaʼépa jajapovaʼerã javyʼa hag̃ua? (páh. 9 párr. 4, 5)
3. Mbaʼépa ikatu avei jajapo ñamoñepyrũ hag̃ua peteĩ estúdio?
3 Oiméramo ndaikatúi jaiporu lívro Mbaʼépa omboʼe la Biblia? jastudia hag̃ua ñande rapichándi javisita jey vove chupe, jaʼekuaánte ñañemongetavetaha upe rire. Ha ótro jahávape natekotevẽi ñapresentáma voi pe lívro, ikatúnte ñahesaʼỹijomie hendive umi ótro porandu oĩva pe tratádope. Upéicharõ, jaiporu porãkena ko tratádo ñamoñepyrũ hag̃ua peteĩ estúdio octúbrepe ha péicha ñaipytyvõ umi hénte ipyʼaporãvape oikuaa hag̃ua Ñandejára rembipota (Juan 8:31, 32).