Akóinte eñemboʼe Jehovápe

1. Eñemboʼe ára ha pyhare

nde Ru Jehová katuete nerendu,

emombeʼu ndejopýva guive,

ani retĩ nerasẽrõ jepe.

Nde Ru Jehová nderayhu.

2. Eñemboʼe nde pyʼaite guive,

ejerure taneperdonami,

ndeporiahuverekóta haʼe,

nomboykeichéne pe ne ñemboʼe.

Nde Ru Jehová nderayhu.

3. Animoʼãkena nekaneʼõ,

eñemboʼe ha eagradese,

ejerure tanemombarete,

ani hag̃ua pe Aña ndereity.

Nde Ru Jehová nderayhu.