Emokyreʼỹ ha emombarete umi nerendúvape

Job 16:5

MBAʼÉPA HEʼISE: Eñeʼẽ vaʼerã umi mbaʼe iporãvare ha ani eñekonsentraiterei umi provlémarente. Emokyreʼỹ vaʼerã umi nerendúvape.

MBAʼÉICHAPA IKATU REJAPO

• Ani epensa vai umi nerendúvare. Nderedudái vaʼerã umi ermanokuéra ojaposeha Jehová ohaʼarõva chuguikuéra. Ha tekotevẽ jave remeʼẽ chupekuéra peteĩ konsého, primerorã eñehaʼãmbaite vaʼerã emokyreʼỹ chupekuéra.

• Ani reñeʼẽterei umi provlémare. Iporãvéta reñeʼẽramo mbykymínte ha tekotevẽramo añoite umi provléma ha situasión ijetuʼúvare. Nde diskúrso pukukue emokyreʼỹ vaʼerã umi nerendúvape.

• Eipuru porã Ñandejára Ñeʼẽ. Ehechauka porã vaʼerã mbaʼépa Jehová ojapóma ñanderehehápe, mbaʼépa ojapo hína koʼág̃a ha mbaʼépa ojapóta amo gotyove. Eipytyvõ vaʼerã umi nerendúvape oreko hag̃ua esperánsa ha ipyʼaguasu hag̃ua.