KO MÚNDO IVAIETÉVAPE TEKOTEVẼ

4 | Jakuida la ñapensávare

MBAʼÉREPA IÑIMPORTÁNTE

Jajepyʼapyetereírõ ko múndo situasiónre ikatu jaju jajedesespera ha ikatu voi ñanderasy. Oĩ persóna nohaʼarõvéiva mbaʼeve iporãva. ¿Mbaʼépa oiko jepi?

Oĩ ni noñeʼẽsevéimava la futúrore.
Ótro katu oñepyrũ okaʼu térã ojedroga hesarái hag̃ua umi provlémagui.
Ha unos kuánto katu omanoséntema voi oikove rangue. Naisentídoi chupekuéra mbaʼeve.

Mbaʼépa jareko vaʼerã enkuénta

Oĩ provléma un tiémporente ñaaguantátava ha ikatu voi oñesolusiona ñahaʼarõʼỹve jave.
Nokambiáiramo jepe ñane situasión, oĩmante vaʼerã álgo ikatúva jajapo jasegi hag̃ua jagueropuʼaka.
La Biblia opromete entéro umi provléma jarekóva oñesolusionataha pára siémpre.

Mbaʼépa ikatu jajapo

La Biblia heʼi: “Ani peñekevrantaiterei la ikatúvare oiko koʼẽrõ, pórke koʼẽrõ oĩta voi hína ótra kósa pejepyʼapy hag̃ua. Ovaléma voi umi provléma káda día oñembohovái vaʼerã” (Mateo 6:34).

Ani jaiko ñañekevrantaiterei umi mbaʼe ikatúvare oiko, ha upéicha rupi ndaikatúi ni ñakumpli porã umi rresponsavilida jarekóva koʼág̃a.

Legálmente oĩ heta mbaʼe ni ndajaikuaáiva oikótapa añete, ha jaikórõ jajepyʼapyeterei umívare ñanenerviosovéta ha pyaʼevéntema japerdéta la esperánsa.

MBAʼÉICHAPA ÑAAGUANTAKUAA VYʼÁPE: Konsého ikatúva ñanepytyvõ

ÑANDEPOSITÍVOKENA

La Biblia heʼi: “Pe ohasa asývape g̃uarã ndaipóri voi ni peteĩ día iporãmíva, péro pe ipyʼarorýva odisfruta káda día ha ovyʼa” (Proverbios 15:15). Ñañekonsentrárõ pe provlémarente ikatu ndajahechakuaái oĩha peteĩ solusión. Péro ñañehaʼãramo ñandepositívo, upéva ñanepytyvõta ñapensa porã hag̃ua mbaʼépa ikatu jajapo omehora hag̃ua ñane situasión.

Ani ñahendueterei ni ñapenaiterei umi notísia vaíre.
Káda pyhare jake mboyve ñapensa mokõi térã mbohapy mbaʼe porãre ikatúvare jaagradese.
Jajapo peteĩ lísta ha ñaanota umi mbaʼe ikatúva jajapo upe díape. Oimérõ oĩ álgo tekotevẽva jajapo ha ipukútama ñandehegui, jadividi jey en párte, jajapo hag̃ua jahávo michĩ mimi. Péicha káda día javyʼáta la jahupytývare.

JAJERURE AJÚDA

La Biblia heʼi: “Pe oñemohaʼeñóva [...] ohechauka naiñaranduiha” (Proverbios 18:1). Jaʼáramo peteĩ yvykuápe, álgien ñanepytyvõmante vaʼerã ñasẽ hag̃ua upégui.

Jajerure ñane hénte térã ñane amigokuérape tañanepytyvõ.
Jahecha avei mbaʼépa ñande ikatu jajapo hesehapekuéra. Ñaipytyvõramo ótrope ndajaikomoʼãi ñapensaiterei ñane provlémarente.
Oimérõ naisentidovéi ñandéve mbaʼeve ha japerdéma la esperánsa, jahecha vaʼerã natekotevẽipa jaha doktórpe. Sapyʼánte la oñeñandúva péicha oreko hína algún mbaʼasy, por ehémplo depresión, ha oĩ osegíva peteĩ tratamiénto oñeñandu porãve hag̃ua.a

a Ko rrevísta noñeʼẽi hína ni peteĩ tratamiénto espesífikore.

La Biblia omeʼẽ peteĩ esperánsa isegúrova

Peteĩ eskritór de la Biblia heʼi vaʼekue Ñandejárape: “Ne ñeʼẽ ningo peteĩ lámpara chegiáva aguata porã hag̃ua, ha peteĩ lus ohesapéva che rape” (Salmo 119:105). ¿Mbaʼépa heʼise upéva?

Jahárõ hína iñypytũhárupi peteĩ lámpara térã peteĩ lintérna ñanepytyvõ jahecha hag̃ua moõrupipa ñapyrũ vaʼerã jahávo. Péicha avei la Biblia ñanemoarandu oimérõ tekotevẽ hína jadesidi álgo iñimportánteva.

Peteĩ lus katu ohesape mombyryvéma ha ikatu jahecha ñande rape kompletoite. Upéicha avei la Biblia ohechauka ñandéve mbaʼépa oĩ amo gotyove ha omeʼẽ ñandéve esperánsa.

La Biblia ningo peteĩ lívro sagrádo omombeʼúva la oiko vaʼekue yma, péro avei omeʼẽ ñandéve esperánsa ñande futúrope g̃uarã. Omombeʼu ñandéve:

¿Mbaʼéichapa?

Mbaʼéichapa oñepyrũ vaʼekue pe sufrimiénto. La Biblia heʼi: “Peteĩ kuimbaʼe rupive pe pekádo oike ko múndope, ha pe ñemano oike pekádo rupive. Upéicha pe ñemano ohupyty entéro persónape pórke enterovéva opeka” (Romanos 5:12).

¿Mbaʼérepa?

Mbaʼérepa umi goviérno umáno ndaikatúi osolusiona umi provléma. La Biblia heʼi “yvypóra ndorekoiha derécho ni odirihívo hekove ijehegui rei” (Jeremías 10:23). Ko múndo situasión ohechauka siertoha upéva.

¿Mbaʼépa?

Mbaʼépa Ñandejára ojapóta osolusiona hag̃ua umi provléma. La Biblia heʼi: “Ñandejára omokãmbaitéta umi hénte resay, ha ndaiporimoʼãvéima omanóva, oñelamentáva, hasẽva ni hasýva” (Apocalipsis 21:4).