Informasión finál oñeanalisátava umi ojevautisasévandi

Umi vautísmo ojejapo jepi umi testígo de Jehová aty guasuhápe. Opávo pe diskúrso, pe diskursánte ojeruréta umi ojevautisátavape toñemboʼymi ha tokontesta hatã porã koʼã mokõi porandu:

1. ¿Reñarrepentímapa nde pekadokuéragui, reñemeʼẽmapa Jehovápe ha rejeroviápa haʼe oipuruha Jesúspe ñandesalva hag̃ua?

2. ¿Rentendépa rejevautisávo rehechaukaha nde haʼemaha testígo de Jehová ha koʼág̃a guive reikemaha Ñandejára organisasiónpe?

Okontestávo “si”, umi ojevautisátava omombeʼu umi hénte renondépe ojeroviaha Jesús sakrifísiore ha oñemeʼẽma hague Jehovápe (Rom. 10:9, 10). Péro okontesta hag̃ua ipyʼaite guive umi porandu, umi ojevautisátava tekotevẽ oñemboʼe ha ojepyʼamongeta raẽ umívare.

¿Reñemeʼẽmapa Jehovápe ñemboʼe rupive ha reprometépa readorataha chupe añoite, ha remotenondetaha siémpre haʼe oipotáva?

¿Reimépa konvensído rejevautisa vaʼerãha oñepresenta vovéntema la primera oportunida?

¿Mbaʼeichagua aópa ikatu reipuru rejevautisa hag̃ua? (1 Tim. 2:9, 10; Juan 15:19; Filip. 1:10).

Ñañemonde jave ‘jahechauka vaʼerã japororrespetaha ha ñaneakãguapyha’, péicha ‘ñamombaʼeguasúta Ñandejárape’. Pe vautísmo ningo iñimportanteterei, upévare umi ojevautisátava oipuru vaʼerã ao idesénteva, ndoipurúi vaʼerã tráhe de váño saʼieterei okuvríva chupe, térã ao orekóva létra ha propagánda. Upéva rangue, oipuru vaʼerã ao ipotĩva, noofendéiva avavépe, isensíllova ha opyta porãtava upe okasiónpe g̃uarã.

¿Mbaʼéichapa reñekomporta vaʼerã nde vautísmo aja? (Luc. 3:21, 22).

Jesús vautísmo haʼe hína pe ehémplo enterove kristiáno osegi vaʼerã. Chupe g̃uarã upéva tuicha mbaʼe ha oñekomporta lájare ohechauka vaʼekue orrespetaha upe moménto. Upévare pe vautísmo aja ndovaléi ñañembojaru, jayta pe pisínape ni jajapo ótra kósa ikatúva ombyai pe okasión. Naiporãmoʼãi avei pe ojevautisáva ofesteha oganaramoguáicha peteĩ prémio. Añetehápe javyʼa pe vautísmo díape, ha jahechauka vaʼerã upéva hendápe porã.

¿Mbaʼéichapa reñemoag̃uíramo kongregasión rehe ha reho meméramo rreunionhápe nepytyvõta rekumpli hag̃ua upe repromete vaʼekue Jehovápe?

Rejevautisa rire, ¿mbaʼérepa iñimportánte resegi remoĩ mbaʼe día ha mbaʼe órapa restudiáta ha resẽta predikasiónpe?

INSTRUKSIÓN ANSIANOKUÉRAPE G̃UARÃ

Peteĩ puvlikadór heʼívo ojevautisaseha, umi ansiáno heʼi vaʼerã chupe tostudia pe párte hérava “Porandu umi ojevautisasévape g̃uarã”, oĩva páhina 185 al 207, ha tolee pe párte hérava “Peteĩ mensáhe umi puvlikadór no vautisádope g̃uarã”, oĩva páhina 182-pe. Pépe oñemombeʼu mbaʼéichapa ikatu ojeprepara oñemongeta mboyve ansianokuérandi. Heʼi avei pe puvlikadór ikatuha omaña umi mbaʼe oanota vaʼekuére ko lívrope térã ikuadérnope. Natekotevẽi ótra persóna ostudia hendive koʼã porandu oñemongeta mboyve umi ansiánondi.

Oiméramo peteĩ persóna ojevautisase, oavisa vaʼerã pe koordinadór del kuérpo de ansiánope. Pe persóna olee rire pe párte hérava “Porandu umi ojevautisasévape g̃uarã”, pe koordinadór del kuérpo de ansiáno oporandúta chupe oñemeʼẽmapa Jehovápe ñemboʼe rupive ojapo hag̃ua ivolunta. Oiméramo pe persóna ojapóma upéva, pe koordinadór ohecháta mokõi ansiáno oanalisa hag̃ua hendive umi porandu. Peteĩ ansiáno oanalisáta hendive pe primera párte, ha ótro ansiáno oanalisáta pe segunda párte. Natekotevẽi umi ansiáno ohaʼarõ oñeanunsia raẽ pe asambléa fécha oanalisa hag̃ua umi porandu peteĩ ojevautisasévandi.

Normálmente káda párte ojejapóta diferénte moméntope, una óra káda uno, péro tekotevẽramo ikatu ipukumie. Ojejapo vaʼerã peteĩ orasión oñepyrũ ha opa hag̃ua. Ndovaléi pe ansiáno ni pe puvlikadór ojapuraiterei otermina hag̃ua. Pe ansiáno oñeasignáva ojapo hag̃ua peteĩ párte, omotenonde vaʼerã upéva umi ótro asignasión apytépe.

Oĩramo jepe heta ojevautisaséva ikuentave peñembyaty peteĩteĩ ndive peanalisa hag̃ua umi pregúnta, ani oñondivepa. Péicha umi ansiáno ohendúta káda puvlikadórpe ha opilláta ontende porãpa la Biblia heʼíva ha oĩmapa preparádo ojevautisa hag̃ua. Oĩrõ éntre heta ikatu oĩ otĩva ha noñeʼẽséiva. Umi matrimónio kásope ikatu ojejapo chupekuéra umi porandu oñondive.

Pe ojevautisaséva haʼéramo peteĩ ermána, pe ansiáno oñembyatýta hendive peteĩ lugár ikatuhápe ótro ohecha chupekuéra, péro noñehendumoʼãihápe la heʼíva hikuái. Tekotevẽramo pe ansiáno ikatu oho ótro ansiánondi térã peteĩ siérvo ministeriál ndive. Odepende mbaʼe pártepa oñeanalisáta oho hag̃ua peteĩ siérvo ministeriál.

Umi kongregasión saʼihápe la ansiáno, umi siérvo ministeriál ikatupyry ha iñakãguapýva ikatu oanalisa pe “Párte 1 Umi enseñánsa kristianokuéra ogueroviáva”. Péro pe “Párte 2 Mbaʼéichapa oñekomporta vaʼerã umi kristiáno”, siémpre oanalisa vaʼerã peteĩ ansiáno. Pe kongregasiónpe ofaltavéramo umi ermáno ikatupyrýva ikatúva oanalisa umi pregúnta, oñeñeʼẽ vaʼerã pe superintendénte de sirkuíto ndive. Haʼe ikatu ojerure toipytyvõmi umi ermáno ótra kongregasiongua.

Pe ojevautisaséva haʼéramo menór de eda, ituakuéra haʼéva Testígo oĩ vaʼerã oñeanalisa aja hendive umi porandu. Péro ituakuéra ndaikatúiramo oĩ upépe, mokõi ansiáno oanalisa vaʼerã hendive. Ikatu avei peteĩ ansiáno ha peteĩ siérvo ministeriál oho oñondive oiméramo oñeanalisáta pe párte 1.

Umi ansiáno ojasegura vaʼerã pe puvlikadór ontende porãha umi mbaʼe iñimportantevéva omboʼéva la Biblia, péro ani ohaʼarõ oikuaapaite voi entéro detálle. Ohecha vaʼerã avei añetehápepa omombaʼe pe oaprendéva ha orrespetápa Jehová organisasión. Oiméramo nontendéi umi mbaʼe iñimportantevéva oĩva la Bíbliape, umi ansiáno ohecháta toñepytyvõ chupe, ikatu hag̃uáicha ojevautisa amo gotyove. Ikatu avei umi ansiáno ohechakuaa pe persóna oikotevẽha tiémpo ohechauka hag̃ua omombaʼeha predikasión ha osegiha pe organisasión heʼíva. Umi ansiáno odesidíta ikatúpa oanalisa una órape káda párte, térã oikotevẽpa hetave tiémpo ohechakuaa hag̃ua oĩmapa preparádo pe puvlikadór. Oĩ jepi umi pregúnta ikatúva ojehasa pyaʼeve, péro ótrope ikatu hiʼareve hikuái. Péro la iñimportánteva hína oñeanalisa entéro umi porandu.

Oñeanalisapa rire pe segunda párte, umi ansiáno oñeasigna vaʼekue ojapo hag̃ua umi porandu oñembyatýta odesidi hag̃ua ikatúmapa ojevautisa pe puvlikadór. Upearã ontende vaʼerã pe persóna situasión ha oreko vaʼerã enkuénta ikapasida. La jaipotáva hína ontende hikuái umi mbaʼe iñimportantevéva oĩva la Bíbliape ha ohayhu ipyʼaite guive Jehovápe. Peẽ peipytyvõramo chupe mborayhúpe, pe ojevautisátava oĩta preparádo ojapo hag̃ua pe traváho iñimportantetéva: opredika umi notísia porã.

Upéi peteĩva térã umi mokõi ansiáno oanalisa vaʼekue umi porandu, oñerreuníta pe puvlikadór ndive omombeʼu hag̃ua chupe la ojedesidíva. Ojeaprováramo chupe, ohecha vaʼerã hikuái pe párte hérava “Informasión finál oñeanalisátava umi ojevautisasévandi”, oĩva páhina 206 ha 207-pe. Oiméramo pe puvlikadór ndostudiapái gueteri lívro ¡Jaikóta vyʼápe pára siémpre!, umi ansiáno omokyreʼỹta chupe ostudiapa hag̃ua ojevautisa rire. Oñemombeʼu vaʼerã chupe pe ifécha de vautísmo oñemoĩtaha pe Rrehístro de puvlikadór de la kongregasiónpe. Pemomanduʼa vaʼerã pe ojevautisátavape umi ansiáno ombyatyha umi dáto de káda puvlikadór ikatu hag̃uáicha pe organisasión oñatende porã umi traváho ojapóvare umi testígo de Jehová ko múndo tuichakuére, ha avei ikatu hag̃uáicha umi puvlikadór opartisipa umi aktivida ojejapóvape kongregasiónpe ha orresivi pe ajúda espirituál oikotevẽva. Avei umi ansiáno ikatu omomanduʼa umi puvlikadór pyahúpe umi idáto personál ojepurutaha ojerekóvo enkuénta la heʼíva pe Política global de protección de datos personales de los testigos de Jehová, jatopáva jw.org-pe. Ko rreunión natekotevẽi odura mas de 10 minúto.

Un áño ojevautisa rire, mokõi ansiáno oñembyatýta hendive omokyreʼỹ ha omeʼẽ hag̃ua chupe konsého iporãva. Peteĩva umi ansiáno haʼe vaʼerã pe superintendénte igrupopegua. Pe ermáno térã ermána haʼéramo menór de eda, oĩ vaʼerã hendive ituakuéra haʼéva Testígo. Pe rreunión ningo igústo ha oporomokyreʼỹ vaʼerã. Umi ansiáno oñemongetáta hendive iprogrésore, ha omeʼẽta chupe konsého ikatu hag̃uáicha osegi ostudia meme ha olee la Biblia káda día. Omokyreʼỹta avei pe ermáno térã ermánape ojapo hag̃ua pe estúdio de família káda semána, oho meme hag̃ua rreunionhápe ha okomenta, avei osẽ hag̃ua opredika káda semána (Efes. 5:15, 16). Oiméramo neʼĩra ostudiapa pe lívro ¡Jaikóta vyʼápe pára siémpre! umi ansiáno ohecháta mávapa ikatu ostudia hendive. Ko rreuniónpe umi ansiáno mborayhúpe omokyreʼỹ vaʼerã pe ermáno térã ermánape. Natekotevẽmoʼãi jepi oñemeʼẽ chupe konsého hetaiterei mbaʼére.