Jaiporu hag̃ua predikasiónpe

¿Mávarepa ikuentave jajerovia?

Resaluda rire pe persónape, ere chupe: “Ahejaseténgo ndéve ko informasión releemi hag̃ua [embohasa pe tratádo pe persónape olee hag̃ua pe téma]. Ko informasión ningo ojerreparti hína opárupi ko yvy ape ári, ikatu hag̃uáicha opavave hénte oñevenefisia chugui”.

Rehejátaramo pe tratádo umi óga nderetopaihápe avavére, remoĩ vaʼerã peteĩ lugár ohechaʼỹ hag̃uáme umi ohasáva ha ani redovla hetaiterei hendápe.

Jatopárõ peteĩ persóna oaprendesevéva la Bíbliagui, ikatu ñaporandu chupe mbaʼépa opensa pe porandu oĩvare pe tratádo apére. Upéi jaavri pe tratádo ha jalee pe téxto oĩva upépe [Salmo 119:144, 160]. Ñamombeʼu vaʼerã pe ogajárape pe tratádope oĩha informasión oñeʼẽva peteĩ sítio oĩvare Internétpe, ha ikatúva oipytyvõ chupe oaprende hag̃ua umi mbaʼe oikuaaséva la Bíbliagui. Jahechakuaárõ pe persóna itiempoha, ikatu jahechauka chupe pe vidéo hérava “¿Mbaʼérepa restudia vaʼerã la Biblia?” Upe rire jahechaukakuaa avei umi mbohapy porandu oĩva pe tratádo atukupépe ha ñaporandu mávapa ogustave chupe. Jaʼe vaʼerã avei ikatuha jaha jey hendápe, jahechauka hag̃ua chupe mbaʼéichapa ikatu oaprende umi mbaʼe oikuaaséva la Bíbliagui pe sítio jw.org rupive. Javisita jey vove pe ogajárape, ñambohovái vaʼerã chupe pe porandu oiporavo vaʼekue. Upearã ikatu jaiporu pe sítio jw.org/gug ha jaike heʼihápe PUVLIKASIONKUÉRA >LÍVRO HA FOLLÉTO.

Oiméramo jarreparti avei hína umi invitasión pe aty guasu tres diarã, ñameʼẽ vaʼerã umi héntepe pe tratádo ha avei pe invitasión. Upearã ikatu jaʼe: “Ahejase avei ndéve peteĩ invitasión peho hag̃ua peteĩ aty guasuhápe, ojejapótava hína... [emombeʼu pe fécha ha avei moõpa ojejapóta]”.

Ñemañaha 1 de agosto

Fin de semanakue, otoka porãrõ ñandéve ikatu avei ñameʼẽ pe tratádondi ñande rrevísta Ñemañaha. Upearã ikatu jaʼe: “Ahejase avei ndéve ko rrevísta ombohováiva ko porandu: ¿Ojepyʼapýpa Ñandejára nderehe?”.