Daniel
12 Bajarapaepatota Ayaiwajatuj̈anenü Miguel yanonotapunaena, bajaraponü yawenonanuka nijajiwi. Jiwi bitso nabejiobiataena, itsiata Dioso pijajiwi kapanepaena, pijabaj̈utota daj̈ita pewünürubenaewi. 3 ”J̈amü Daniel, ajamatabükuenesaümüre. Nakueraewetsianame raja, itsiata pekopiarukaematakabita namatakotsianame Dioso pekarajutsinej̈a j̈ua katoj̈aina”. 4 ”Daniel, paliwaisi yakiname pakuyalatojawataje yaupikatsare, nej̈ata muetsiakuenia j̈ainare bajarapaliwaisi pewerewerekaematakabianüjawabelia. Jiwi ayaibitsaüto j̈aniawaetsiakuenia yorobiana, nej̈ata jumeyapütaena bitso pej̈aniajailiwaisi”, jai ángelenü Danieljawabelia.