¿Dej̈uajitsia biasaümü?

DIANAWÜNÜWA yapütane bitso liwaisi,a pej̈aniajamatabükuenewa, ayaiamigomonae ata j̈aina. Itsiata jamatabükuenebarüya ata, bajarapowa bitso najamatabüj̈ainabiaba. “Kaematakabi kanakujitsia najamatabüj̈ainabiabajü tatüpaenej̈a. Nakua kajena j̈anepanaejitsipa itsa j̈anü tüpaejitsipajü”, jai bajarapowa.

Diana jumaitsi: “Kaeto ata aponabeyaj̈uabinü tsipae”, jai ata; itsiata itsajawata apojitsipae abaj̈u peponaponaejawa. “J̈ua kajena bitso jitsipajü tanabijiapaetsijawa tatüpaejawanua. J̈anünej̈a petüpaejawa apopibisiakuene, biji rajane pej̈aniakuene bajaraj̈ua”, jai bajarapowa.

Jiwimonae najamatabüj̈aina Dianakuenia, itsamonae jitsipa penabeyaj̈uabinej̈a. Itsiata médicomonae jumaitsi pakuenia bajarapamonae pepokuene jitsipa piajibiaej̈anaenej̈a penabejiobiataejawa, biji rajane apopetüpaejawa. Bajarapamonae saya baja najamatabüj̈aina üpetüpaenej̈a, biji rajane aponajamatabüj̈ainae dej̈uajitsia bejinawanapa.

¿Biasaümü tsaponaponae meta? Taenatsi akueyabiliwaisijawanü wajayapütaenej̈a.