Sonoto pekofereto

SONOTO pekofereto bitso itafaka, nej̈ata itsa koferejopatsi ematopitoj̈i itsa jume piajurijawakuene nej̈ata toayapübejetsipaetsi pepünaenej̈a. Itsiata baitsi jane, koferetsebabiaba niojai ata tsabiabi. ¿Dej̈uajitsia meta?.

NAJAMATABÜJ̈AINARE: Penakujarubiwipaliwaisi yabara Universidad Estatal de Ohio kaj̈itajaraba bajarapamonae sonoto morfo azul (Morpho didius), pekoferetonü bitso itajara koferekonijai, itsiata kaj̈itajaraba bajarapamonae pekoferej̈aina petsebokotoj̈i. Pakuenia bopemataj̈atsijawa banamatatsünüajebanajetaruka. Bajarapapetsebokotoj̈i j̈aina ranuras microscópicas pejaijawa, bajaraj̈ua nej̈ata ajueej̈ana piaj̈uirajawakuene mera ata. Ingenierowimonae bajarapamonae kuenekatajitsia bajaraj̈ua peitsinej̈a bepitsakuenejawanü antipolvo, impermeablejawa pejaijawanü. Bajarapakuenia nej̈ata bajarapamonae bajaraj̈uakuenejawanü pekanakuenebinej̈a médicowi, yajawa industrialkuenejawa.

Científicomonae kuenekataebia daj̈itaj̈uajawanü nakuata taebiabatsi. Nej̈ata bajarapamonae jitsipa pekuenekataenej̈a sonoto pekofereto. “Tsikirijawaj̈ikuene ayaijawaj̈anetonü ata j̈ua tanetsi pairata yawenona ingenierowi pekuenekataenej̈a bajaraj̈uajawanü”, pakuenia jumaitsi Bharat Bhusanwününü.

¿Dekatsitaitsi? ¿Sonotoj̈i meta pekofereto bajaraj̈ua meta evoluciónkuene o Dioso meta ej̈ana?