RACISMO YABARA

¿Dewerena naej̈ana daj̈itawiria?

“Adán wënëruba pijawa Eva, tsipaji bajarapowa daxitajiwi penanexa tsaponaponae” (Génesis 3:20)

J̈UA JUMAITSI LIWAISIYAPÜTAEWI:

Organización de las Naciones Unidas (UNESCO) jumaitsi “daj̈itajiwimonae kaewiriapijiwi kaejawawerena pitsapa” (Declaración sobre la Raza y los Prejuicios Raciales, 1978).

J̈UA JUMAITSI DIOSO PEJUMELIWAISIBAJ̈UTO:

Dioso ej̈ana anijajiwibeje, Adán, yajawa Eva, nej̈ata itoroba: “Paxainarebeje panexibeje, panemomoxibeje-ata ayaibitsaëto penaexanaponaenexa, peyacaëjëpaenexa daxitanacuajawa” (Génesis 1:28). Bajaraj̈uata Adán, Evabeje daj̈itajiwi pej̈i. J̈uakujinae pata ayaiwajubuaj̈aneto. Nej̈ata daj̈itajiwimonae werebiaba, saya baja asaü: Noé, pijawa, pej̈i ata, yajawa pekopenawaj̈i. Dioso pejumeliwaisibaj̈uto kujaruba daj̈ita waj̈aitsi pej̈itsi Noé (Génesis 9:18, 19).

¿Jinawanapa meta itsawiria ayaijamatabükuenewi?

“BajarapaDioso abaxë copiaya caenë pebi exana. Bajaraxuacujinae bajarapapebijavaverena naexanapona daxitaviriajumevi pijasalinaivimi” (Hechos 17:26)

J̈UA ITSAMONAE BAJUMAITSI:

Siglo veinteta naitajüba jiwibitsaütoyo penajamatabüj̈aenaewi racistakuenia, pakuenia nazimonae. Bajarapamonae jumaitsi pijawiria pina bitso ayaijamatabükuene daj̈itajiwiriawekua. Itsiata paliwaisi jumaitsi UNESCOmonae “daj̈itajiwimonaetsi kaejamatabükuenebej̈ainatsi daj̈ita tomara pijiwi. Daij̈itajiwi ata, daj̈ita kaewiriatsi”.

J̈UA JUMAITSI DIOSO PEJUMELIWAISIBAJ̈UTO:

Hechos 10:34, 35 jumaitsi: “Najëpaeya tsaena Dioso nacajitsipa daxitaviriavitsi. Caenacuapijivi canacujitsia, pamonae Dioso yaiyataeyajinavanapa, jumecovënëtsiajinavanapanua pacuenia Dioso itorobatsi, bajarapamonae Dioso jitsipa”. Bajaraj̈uata itsawiriamonae apoayaijamatabükuenewi itsamonaewekua.

Pepocristianowi jumekowünüta paliwaisi itoroba Jesús: “Daxita paxamë bepanacaemonaemë” (Mateo 23:8). Cristo wajüta paj̈ajawabelia pijajiwi “caejamatabükuene xainaena”, bajaraj̈ua yabara jumaitsijitsia daj̈ita kaejamatabükuene bej̈ainatsi (Juan 17:20-23; 1 Corintios 1:10).

¿Itsamatakabi meta kopiarukaena racismojawa?

“Pekopiarukaematakabianüta, Jehová pijakuenejawanü cerrojumatsutokuene [...] nej̈ata daj̈itanakuapijiwi bajarabelia ponaena” (Isaías 2:2)

ITSAMONAE BAJUMAITSI:

Aekonoj̈aeta jiwimonae nayanijobabiaba itsa pibisiajamatabükuene ajibiej̈anaena. Bajaraj̈uata itsamonae najamatabüj̈aina itsa kaetoata racismokuene apowerewerekae tsane.

J̈UA JUMAITSI DIOSO PEJUMELIWAISIBAJ̈UTO:

Jehová apokopatsi tsane racismojawakuene daj̈itamatakabijawabelia wajayajawajinawanapaenej̈a. Pijapematakaitorobijawata pebijiwi, petiriawi “daxitanacuanëpijiviyajuvënëvi, daxitaviriajumeviyajuvënëvi” najuatonakuenebajinawanapaena Dioso bajarapakuenia natsitajübiana penaasiwajawa namataenetsia (Revelación [Apocalipsis] 7:9). Dioso pematakaitorobijawa bajaraj̈ua pepokuenejawa; bajaraponü yanakuaewetsiana daj̈ita paira, itsajota Dioso pikani jitsipa daj̈itajiwi najüpaeya wajanataejawa.a