ITSA NAKUAJAWA PIJAJIWI YAJAWA
Siwaj̈ainatsi Camboya nakua
BOJAWANÜ MERAMATATSÜNÜAENA, kanajetapej̈aejawamonae, pijacallejawanü j̈aina motomonae, pijamotojawanüta kajinawanapabiaba wacaranü, neverajawanü ata… Bajarapakuenia jinawanapa Camboya nakuapijiwi.
Camboyanopijiwi bajarapamonae pej̈aniajamatabükuenewi, bajarapamonae itsa nayapütane najumaitsitsabiabi tajuyapijinü, tajuyapijiwa, taj̈uanü, taenawa, akue, amo aponayapütae ata bajarapakuene najumaitsitsabiabi.
Camboya yajüwünüwi pijabonü ej̈ana mera matatsünüa. Yajawa nakueneba mera matatsünüta pekujarubibonü, clínicabonü, pej̈aejawa pekanajetsibonü, yajawa gasolinerabonü.
Pitahayakuaito, itsajume naekuaito dragón pejaijawatsi, bajaraj̈ua bitso natane Camboya nakua jawata.
Dujuai yajawa, arroz bajarapamonaenej̈a bajaraj̈ua bitso tsitaj̈anepanatsi. Bajarapamonae pijapej̈aejawata j̈ainaejitsipa akueyabi paplatobeje, cuatro paplatobeje ata. Bajarapaplatojawanüta j̈ainaejitsipa pipura. Bajarapamonae pijapej̈aejawata matajuruatsipa pej̈aikaekuene, peajatukuene, pej̈aikaekuene ata bitso.
2000 pawaitabeje, pekanaj̈etsiwi indiomonae peponaewi Chinajawabelia bajarapamonae najetarubenabiaba Camboyajawa. Bajarapamonae kanajetabia sedajawa, nej̈ata juya rajutabiabatsi bajarapamonae metaljawakuene, pakuenia petuj̈ujuwinaejawanü, marfiljawa yajawa, oronanito ata. Bej̈uakujinae baja tsipaji bajaraj̈uata najetarubenabiaba chinowi yajawa Indiapijiwi, nej̈ata bajarapamonae pijareligiónjawa bajaraj̈ua ata pata, hinduismojawa, budismojawa yajawa. Ajena pamatakabianüta 90% bejamatabüpajiwibeje bajarapamonae budistawi.
Jehová petotsipaebaponaewi j̈aniajailiwaisi kujaruba daj̈ita tomarajawa. Yawenona jiwimonae peyapütaenej̈a paliwaisi baj̈utota ¿Qué enseña realmente la Biblia? pejaibaj̈uto. Bajarapabaj̈uto najumekapitsapa ayaijawa jumejawanüta 250 pajumetabeje, pijajumeta bajarapamonae ata.
Bejamatabü 1500 pacamboyanopajiwibeje nakujaruba Dioso pejumeliwaisibaj̈uto Jehová petotsipaebaponaewita. Bajarapamonae kaj̈itajaraba penayanijobiliwaisijawanü petüpaewi yabara, yajawa dej̈ua Dioso siwanajamatabüj̈aina paira yabara.
Pabaj̈uto ¿Qué enseña realmente la Biblia? bajukapitsapa Jehová petotsipaebaponaewi camboyanowi pijajumeta pitsapa (taema pejumape).