Petaj̈uj̈uabiliwaisi

12 paliwaisibeje pebi, pijawa, pej̈i yajawa barüyaya pejinawanapaenej̈a

Aekonoj̈ae wajamatakabijawanüta jumetanetsi bitso penakojiobiwi nawekuatsatanajetarubena. Itsiata, itsapenakojiobiwi aponawekuaj̈uabi, biji rajane barüyaya jinawanapa pej̈i yajawa, ¿dej̈ua yawenonatsi?

• Colombia nakuata 2014 pawaita, meta dieciocho mil penakojiobijiwibeje naj̈uababeje, 2017 pawaita meta veinticinco mil penakojiobijiwibeje naj̈uababeje ata.

• Itsamonae peyapütaewi pemuj̈ujiobiliwaisi pej̈i pewetsijawa yabara bajumaitsi: “Barüyataema nej̈i daj̈itakuene pej̈anaejawa”, jai. Itsamonae juya bajumaitsi: “Mapütsa barüyataneme nej̈i”, jai. Bajaraj̈ua ayapübeje pej̈i pej̈ainaewinej̈a.

• Wajamatakabijawanüta pewüjüawi, pejanawi yajawa witsabanajetarubena apoyapütaenejewa pakuenia beitsi j̈aniawaetsia pejinawanapaenej̈a.

Itsiata bajaraj̈ua benakuenej̈aneta.

• Penakojiobijiwibeje kuenekaüjüpatsi barüyaya peponaponaenej̈abeje daj̈itamatakabijawabelianej̈a.

• Pej̈i pej̈ainaewi kuenekaüjüpatsi asiwayakuenia pewetsinej̈a pej̈i.

• Pewüjüawi, pejanawi yajawa pejamatabükuenenaweretsijawa yawenonaenatsi j̈aniawaetsia pejinawanapaenej̈a.

¿Dej̈ua meta yawenonaenatsi? Parevistabaj̈utotaje ¡Naükore! rubena 12 paliwaisibeje pakuenia beitsi pebi, pijawa, pej̈iyajawa barüyaya pejinawanapaenej̈a.