Sección 6 paliwaisianü kanaüjütsianatsi

Israelitawi baja matapania pata Papej̈aniairajawabelia Jehová Rajutsiapaebatsi, yajawa Dioso rajuta tabernáculobo penakaetuanabiabinej̈a pijakuenejawanü pej̈anaenej̈a. Sacerdotewi kujarubabiaba Dioso Pitorobiliwaisi, juezmonae pijinia matakaponabiaba bajarapanakuapijiwi. Pasecciónjawata nakayapütaeyaej̈anaena j̈ua itsitsi yajawa j̈ua itapetatsi wajaitsinej̈a itsamonae jamatabükueneyawenonaejitsipatsi, itsa jume, jamatabükuenebijianaejitsipatsi. Kaeisraelitawi kanakujitsia bejinawanapa pakuenia Dioso itorobatsi pakuenia beyajawajinawanapanua itsamonae. Yapütaeyaej̈anare papej̈aniakuene itsi Débora, Noemí, Josué, Ana, Jefté pej̈ünatowayo, Samuel yajawa jamatabükueneyawenona itsamonae. Yapütaeyaej̈anarenua pakuenia Rahab, Rut, Jael, gabaonitamonae apoisraelitawi ata yajawajinawanapa israelitamonae, tsipaji yapütane pepo Diosonükuene peyajawaponaponaejawatsi.