Jehová pijajiwi Pematakaponaewi nakatoyakina paliwaisije

Bitso patakaasiwawi:

Wajaasiwaj̈ae Dioso daj̈itajiwi yajawa, nakayawenona wajajumekowünütsinej̈a Dioso bajarapapitorobiliwaisi: “Paponare daxitanacuanëjava daxitanacuanëpijivi tajumelivaisi patanetotsipaebinexamë […]. Bajarapamonae pabautisabaponaename” (Mat. 28:​19, 20; Mar 12:​28-31). Itsa asiwatsi itsamonae jitsipatsi wajayawenonaenej̈a, bajarapamonae juya yaiyatane Dioso pejamatabüütjütojawawerena “daj̈ita pamonae jitsipa pejumekowünütsijawa, pej̈ainaenej̈a matakabi apopewerewerekaejawa” (Hech 13:48).

Bajayatami najamatabükuenesaütatsi wajanakujarubinej̈a paliwaisianü jumaitsijitsiatsi wajanakofünütsiyaniwa, pakuenia rajutajitsiatsi pabaj̈utojawanü ata jiwijawabelia. Itsiata, ajena pamatakabi bejamatabükueneyawenonatsi kaejiwi kanakujitsia paliwaisi namatawenona. Asiwayakuenia bebarükuaikuaijaitsi jiwi pepopejitsipaekuenia yabara. Kaejiwiyo aponajüpaebeje itsajiwiyo, bajaraj̈uata beyawenonatsi j̈ua yabara najamatabüj̈aina. ¡Mapabaj̈utoje nakajamatabükueneyawenonaena!

Jota rubena 12 paliwaisibeje, bajarapakuenia yapütaenatsi pej̈aniajamatabükuenejawanü, asiwayakuenia wajakujarubaponaenej̈a jiwijawabelia. Kaeliwaisi kanakujitsia nakayapütaeyaej̈anaena pakuenia Jesús kujarubabiaba kopiaya cristianowi yajawa. Apobenakujarubatsi j̈ua yabara jumaitsijitsiatsi. Biji rajane asiwayakuenia bekujarubaponatsi itsamonaejawabelia yapüj̈anepanaeya wajajumeyapütaeyaej̈anaenej̈a. 12 bajarapaliwaisibeje bitso namatawenonatsi j̈aniawaetsia wajatonakuenebinej̈a Jehová, itsiata bajarapaliwaisi matatoj̈enetsia namatawenonatsi wajataj̈uj̈uabinej̈a penabarükuaikuaijaijawa, ikatsia wajabarükuaikuaijaijawa jiwijawabelia, wajakujarubaponaenej̈anua.

Nenakujarubijawata kaeliwaisi kanakujitsia, kanaüjüre bajarapapej̈aniajamatabükuenejawanü kayawenonaena pakuenia barükuaikuaijamü tsane jiwijawabelia itsajota ponaponame. Wajaasiwaj̈ae Jehová daj̈itajiwi yajawa, bajaraj̈ua bitso namatamota técnicakuene wekua. Nej̈ata najamatabüsaüre netsitajütsijawa niasiwajawa. Bajaraj̈ua kayawenonaena j̈aniawaetsiakuenia nekujarubaponaenej̈a jiwijawabelia.

Panetsitaj̈anepana wajanajuatonakuenebinej̈a Dioso (Sof. 3:9). ¡Jehová pakayajawa tsane j̈ua paitsimü tsanajetarubenae asiwayakuenia panekujarubaponaenej̈a jiwijawabelia!