Tsitajüre pekajamatabükueneenaejawa

Pakuenia Jesús itsi

VIDEOJAWA: Jesús barükuaikuaijai petiriwa meramütjüjawata

1. Taema VIDEOJAWA, itsajume lebare Juan 4:​6-9. Netaekujinae kanaüjüre paliwaisi yabaraje:

1. Pebarükuaikuaijainej̈a petiriwajawabelia, ¿dej̈ua tane Jesús kopiaya?

2. Jesús jumaitsi petiriwajawabelia: “Nerajure mera”.¿Dej̈uajitsia bajarapaliwaisi j̈anepana?

¿Dej̈ua nakakujaruba j̈ua Jesús itsi?

2. Itsa barükuaikuaijaitsi itsamonaejawabelia pejitsipaekuene yabara, nej̈ata bajaraj̈ua yawenonaenatsi penamuj̈unaewetsinej̈a.

Kuenejüpare Jesús pijakuene

3. Kuaikuaijamüre jiwi pejitsipaekuene. Itsa taj̈uj̈uabatsi wajatsipaebinej̈a itsamonaejawabelia, apobekuaikuaijaitsi wajajitsipaekuene yabara, biji rajane bekuaikuaijaitsi j̈ua bajarapamonae jitsipa. Bajaraj̈uata benayanijobame:

1. “¿Depaliwaisianü pitsapa noticiajawanü televisiónjawata?”

2. “¿Dej̈ua yabara nabarükuaikuaijai pamonae jinawanapa imoj̈oyo tajabota, wajanajuanakuenebiwi, wajanajuayakinaewi ata?”

4. J̈aniawaetsiakuenia naükore. Nayanijobare:

1. a. “¿Deitsi bajarapajiwiyo aekonoj̈aeta? ¿Dej̈ua yabara najamatabüj̈aina?”

2. b. “¿Dej̈ua neyapütaeyaej̈ana bajarapajiwiyo yabara pijaeseto, pijabo yajawa petsitajütsijawa pijakujirukuenejawabelia?”

3. d. “¿Aekonoj̈aeta meta j̈anepana wajakuaikuaijainej̈abeje?”

5. Namuj̈unaewere.

1. Pütsa bitso kuaikuaijamü.

2. J̈aniawaetsiakuenia namuj̈unaewere bajarapajiwiyo. Bejamatabükueneewetame pekuaikuaijainej̈a, j̈uakujinae yanijobare.