TAJ̈UJ̈UABARE PENABARÜKUAIKUAIJAIJAWA
LIWAISI 2
Tsipaebare nejamatabükuenejawawerenakujinae
Bibliabaj̈uto jumaitsi: “Pajiwiyo [ . . . ] paepatota itsa j̈aniawaetsia kuaikuaijai pej̈anialiwaisi bajarapakuenia j̈anepana bitso” (Pro. 15:23).
Pakuenia Felipe itsi
1. Taema VIDEOJAWA, itsajume lebare Hechos 8:30, 31. Netaekujinae kanaüjüre paliwaisi yabaraje:
¿Depakuenia taj̈uj̈uaba Felipe pebarükuaikuaijainej̈a?
Felipe pejamatabükuenejawawerenakujinae barükuaikuaijai Etiopía nakuapijinüjawabelia, ¿dej̈uajitsia bajaraj̈ua j̈anepana petaj̈uj̈uabinej̈a peyawenonaenej̈a ata?
¿Dej̈ua nakakujaruba j̈ua Felipe itsi?
2. Itsa yajawa wajajamatabükuenejawawerenakujinae kuaikuaijaitsi itsamonae, bajarapakuenia nej̈ata yawenonaenatsi jiwi barüyayakuenia wajanakanamuj̈unaewetsinej̈a.
Kuenejüpare Felipe pijakuene
3. J̈aniawaetsiakuenia naükore. Pajiwiyo yabara, ¿dej̈ua netsitajüta itsa namatajüajüata, itsa nakobeweta? Pakuenia bajarapajiwiyo itsi, ¿netsitajüta meta itsa nebarükuaikuaijaijitsia? Neyapütaenej̈a itsa bajarapajiwiyo jitsipa nebarükuaikuaijainej̈a, beyanijobame: “¿Yapütaneme baja meta. . . ?”. Nej̈ata itsa itsajiwiyo apokuaikuaijaijitsia, benapüjiobame.
4. Jamatejemayakuenia ewere. Dioso Pejumeliwaisi yabara bepijiayokuenia apobetaj̈uj̈uabimü nebarükuaikuaijainej̈a pajiwiyojawabelia. Biji rajane jamatejemayakuenia beewetame netsipaebinej̈a nejamatabükuenejawawerenakujinae bajarapajiwiyojawabelia. Itsajawata jamatejemayakuenia beewetame itsamatakabi nebarükuaikuaijainej̈a bajarapajiwiyo.
5. Itsamonaejawabelia tsipaebare pejitsipaeliwaisikuene yabara. Itsajawata pajiwiyo jitsipa pebarükuaikuaijaijawa j̈ua najamatabüj̈aina. Bajaraj̈uata pütsa kuaikuaijamü j̈ua najamatabükueneweretame pewajünaeya, biji rajane tsipaebare bajarapajiwiyo j̈ua jamatabükueneenatsi.